11 KiB
वर्णन
भाषण आणि लेखनात प्रतीकात्मक भाषा म्हणजे इतर गोष्टी, इतर घटना इत्यादी दर्शवण्यासाठी चिन्हांचा वापर.बायबलमध्ये हे बहुतेक भविष्यवाणी आणि कवितेमध्ये आढळते, विशेषत: भविष्यात घडणाऱ्या गोष्टींबद्दलच्या दृष्टान्तांमध्ये आणि स्वप्नांमध्ये. लोकांना चिन्हाचा अर्थ लगेच कळत नसला तरी भाषांतरात चिन्ह ठेवणे महत्त्वाचे आहे.
हा पट सेवन कर; व जाऊन इस्त्राएल घराण्याबरोबर बोल." (यहेज्केल 3:1)
हे एक स्वप्न होते. पटाचे सेवन करणे हे यहेज्केल वाचत आहे आणि पटावर काय लिहिले आहे ते चांगल्या प्रकारे समजून घेण्याचे आणि देवाचे हे शब्द स्वतःमध्ये स्वीकारण्याचे प्रतीक आहे.
चिन्हांची उद्दिष्टे
- प्रतीकवादाचा एक उद्देश म्हणजे एखाद्या घटनेचे महत्त्व किंवा तीव्रता इतर, अतिशय नाट्यमय शब्दांत मांडून लोकांना समजण्यास मदत करणे.
- प्रतीकवादाचा आणखी एक हेतू म्हणजे काही लोकांना एखाद्या गोष्टीबद्दल सांगणे आणि ज्यांना प्रतीकवाद समजत नाही त्यांच्यापासून खरा अर्थ लपवणे.
कारण हा भाषांतर मुद्दा आहे
आज जे लोक बायबलचे वाचन करतात त्यांना ही भाषा लाक्षणिक आहे हे ओळखणे कठीण जाऊ शकते आणि ते चिन्ह काय आहे हे कदाचित त्यांना माहित नसावे.
भाषांतर तत्त्वे
- प्रतिकात्मक भाषा वापरली जाते तेव्हा, प्रतीकांना भाषांतरीत करणे महत्त्वाचे आहे.
- मूळ वक्त्याने किंवा लेखकाने केलेल्या चिन्हापेक्षा अधिक स्पष्टीकरण न देणे देखील महत्त्वाचे आहे, कारण त्यावेळेस राहणा-या प्रत्येकाला ते सहज समजावे अशी त्याची इच्छा नसते.
बायबलमधील उदाहरणे
यानंतर मी रात्रीच्या दृष्टांतात पाहिले तो पहा, एक चौथे श्वापद विक्राळ, भयानक, व अतिशय बळकट असे होते; त्याला मोठे लोखंडी दात होते; ते सर्वकाही चावून त्याचा चुरा करी व उरलेले आपल्या पायांखाली तुडवी; ते अगोदरच्या सर्व श्वापदांहून भिन्न होते, अणि त्याला दहा शिंगे होती. (दानीएल 7:7 युएलटी)
खाली दाखवल्याप्रमाणे ठळक चिन्हांचा अर्थ दानीएल 7:23-24 मध्ये स्पष्ट केला आहे. प्राणी राज्यांचे प्रतिनिधित्व करतात, लोखंडी दात शक्तिशाली सैन्याचे प्रतिनिधित्व करतात आणि शिंगे शक्तिशाली पुढाऱ्याचे प्रतिनिधित्व करतात.
त्या व्यक्तीने असे म्हटले आहे, 'चौथे श्वापद हे पृथ्वीवरचे चौथे राज्य होईल ते इतर सर्व राज्यांपेक्षा वेगळे असेल. ते सर्व पृथ्वीला ग्रासून टाकील, तिचे तुडवून चूर्ण करील. आता दहा शिंगांविषयी विचारशील तर त्या राज्यातून दहा राजे निघतील व त्यानंतर आणखी एक राजा निघेल. तो त्या पूर्वीच्या राजांहून भिन्न असून तिघा राजांना पादाक्रांत करील. (दानीएल 7:23-24 युएलटी)
माझ्याशी बोलत असलेला आवाज ऐकण्यासाठी मी मागे वळलो आणि वळताच मला सात सोन्याच्या समया दिसल्या. समयांच्या मध्यभागी मनुष्याच्या पुत्रासारखा एक होता ... त्याच्या उजव्या हातात सात तारे होते आणि दुधारी तलवार तोंडातून बाहेर पडत होती. माझ्या उजव्या हातात तुम्ही पाहिलेले सात तारे आणि सात सोन्याच्या समया याबद्दल गुप्त अर्थ: सात तारे हे सात मंडळ्यांचे देवदूत आहेत आणि सात समया सात मंडळ्या आहेत. (प्रकटी 1:12-13अ, 16अ, 20 युएलटी)
हा उतारा सात समया आणि सात तारे यांचा अर्थ स्पष्ट करतो. दुधारी तलवार देवाचे वचन आणि न्यायाचे प्रतिनिधित्व करते.
भाषांतर रणनीती
(1) चिन्हांसह मजकूराचे भाषांतर करा. अनेकदा वक्ता किंवा लेखक उताऱ्यामध्ये नंतर अर्थ स्पष्ट करतात.
(2) चिन्हांसह मजकूराचे भाषांतर करा. नंतर तळटीपांमध्ये चिन्हे स्पष्ट करा.
भाषांतर पद्धतींचे उदाहरण लागू
(1) चिन्हांसह मजकूराचे भाषांतर करा. अनेकदा वक्ता किंवा लेखक उताऱ्यामध्ये नंतर अर्थ स्पष्ट करतात.
त्या व्यक्तीने असे म्हटले आहे, 'चौथे श्वापद हे पृथ्वीवरचे चौथे राज्य होईल ते इतर सर्व राज्यांपेक्षा वेगळे असेल. ते सर्व पृथ्वीला ग्रासून टाकील, तिचे तुडवून चूर्ण करील. आता दहा शिंगांविषयी विचारशील तर त्या राज्यातून दहा राजे निघतील, व त्यानंतर आणखी एक राजा निघेल. तो त्या पूर्वीच्या राजांहून भिन्न असेन, आणि तिघा राजांना पादाक्रांत करील.' (दानीएल 7:23-24 युएलटी)
(2) चिन्हांसह मजकूराचे भाषांतर करा. नंतर तळटीपांमध्ये चिन्हे स्पष्ट करा.
यानंतर मी रात्रीच्या दृष्टांतात पाहिले तो पहा, एक चौथे श्वापद, विक्राळ, भयानक, व अतिशय बळकट असे होते. त्याला मोठे लोखंडी दात होते; ते सर्वकाही चावून, त्याचा चुरा करी, व उरलेले आपल्या पायांखाली तुडवी. ते अगोदरच्या सर्व श्वापदांहून भिन्न होते, अणि त्याला दहा शिंगे होती. (दानीएल 7:7 युएलटी)
यानंतर मी रात्रीच्या दृष्टांतात पाहिले तो पहा, एक चौथे श्वापद, 1विक्राळ, भयानक, व अतिशय बळकट असे होते. त्याला मोठे लोखंडी दात होते; 2 ते सर्वकाही चावून, त्याचा चुरा करी, व उरलेले आपल्या पायांखाली तुडवी. ते अगोदरच्या सर्व श्वापदांहून भिन्न होते, अणि त्याला दहा शिंगे होती. 3
तळटीप यासारखे दिसतील:
[1] प्राणी हे राज्याचे प्रतीक आहे.
[2] लोखंडी दात हे साम्राज्यातील शक्तिशाली सैन्याचे प्रतीक आहे.
[3] शिंग हे शक्तिशाली राजांचे प्रतीक आहेत.