3.9 KiB
3.9 KiB
ಪಾದಗಳ ಪೀಠ
ಪದದ ಅರ್ಥವಿವರಣೆ:
“ಪಾದಗಳ ಪೀಠ” ಎನ್ನುವ ಪದವು ಒಬ್ಬ ವ್ಯಕ್ತಿ ಆಸನದಲ್ಲಿ ಕುಳಿತುಕೊಂಡಾಗ ತನ್ನ ಪಾದಗಳನ್ನಿಟ್ಟು ವಿಶ್ರಾಂತಿ ತೆಗೆದುಕೊಳ್ಳುವುದಕ್ಕೆ ಉಪಯೋಗಿಸುವ ಒಂದು ವಸ್ತುವನ್ನು ಸೂಚಿಸುತ್ತದೆ, ಈ ಪದವು ಅಧೀನವಾಗುವುದನ್ನು ಮತ್ತು ಕೀಳಾದ ಸ್ಥಿತಿಯನ್ನು ಅಲಂಕಾರಿಕ ಅರ್ಥದಲ್ಲಿ ತೋರಿಸುತ್ತದೆ.
- ಸತ್ಯವೇದ ಕಾಲದಲ್ಲಿ ಜನರು ಇಡೀ ಶರೀರದಲ್ಲಿ ಪಾದಗಳು ಅತೀ ಕಡಿಮೆ ಗೌರವವನ್ನು ಹೊಂದಿರುವ ಅಂಗಗಳೆಂದು ಭಾವಿಸುತ್ತಿದ್ದರು. ಆದ್ದರಿಂದ “ಪಾದಗಳ ಪೀಠ” ಎನ್ನುವುದು ಅದಕ್ಕಿಂತ ಇನ್ನೂ ಕಡಿಮೆ ಗೌರವವನ್ನು ಹೊಂದಿರುತ್ತದೆ, ಯಾಕಂದರೆ ಅದರ ಮೇಲೆ ಕಾಲುಗಳನ್ನಿಟ್ಟು ವಿಶ್ರಾಂತಿ ತೆಗೆದುಕೊಳ್ಳುತ್ತಾರ.
- “ನಾನು ನನ್ನ ಶತ್ರುಗಳನ್ನು ನನ್ನ ಪಾದಗಳ ಕೆಳಗೆ ಇಡುತ್ತೇನೆ” ಎಂದು ದೇವರು ಹೇಳಿದಾಗ, ಆತನು ತನಗೆ ವಿರುದ್ಧವಾಗಿ ತಿರಸ್ಕಾರ ಮಾಡುತ್ತಿರುವ ಜನರ ಮೇಲೆ ಶಕ್ತಿ, ನಿಯಂತ್ರಣ, ಮತ್ತು ಜಯವನ್ನು ಪ್ರಕಟಿಸುತ್ತಿದ್ದಾನೆ. ದೇವರ ಚಿತ್ತಕ್ಕೆ ವಿಧೇಯರಾಗುವುದಕ್ಕೆ ಅವರು ತಪ್ಪದೇ ತಗ್ಗಿಸಲ್ಪಡುವರು ಮತ್ತು ಸೋಲಿಸಲ್ಪಡುವರು.
- “ದೇವರ ಪಾದಗಳ ಪೀಠದ ಹತ್ತಿರ ಆರಾಧನೆ ಮಾಡುವುದು” ಎನ್ನುವ ಮಾತಿಗೆ ಆತನು ಸಿಂಹಾಸನದ ಮೇಲೆ ಕುಳಿತಿದ್ದಾನೆಂದು ತಿಳಿದು ಆತನ ಮುಂದೆ ಆರಾಧನೆಯಲ್ಲಿ ತಲೆಯನ್ನು ಭಾಗಿಸು ಎಂದರ್ಥ. ಇದು ದೇವರಿಗೆ ವಿಧೇಯರಾಗುವುದನ್ನು ಮತ್ತು ಆತನ ಮುಂದೆ ತಗ್ಗಿಸಿಕೊಳ್ಳುವುದನ್ನು ವ್ಯಕ್ತಪಡಿಸುತ್ತದೆ.
- ದಾವೀದನು ದೇವಾಲಯವನ್ನು ದೇವರ “ಪಾದಗಳ ಪೀಠ” ಎಂಬುದಾಗಿ ಸೂಚಿಸುತ್ತಿದ್ದಾನೆ. ಇದು ತನ್ನ ಜನರ ಮೇಲೆ ಆತನಿಗಿರುವ ಅಧಿಕಾರವನ್ನು ಸೂಚಿಸುತ್ತದೆ. ಇದು ಅರಸನಾದ ದೇವರು ತನ್ನ ಸಿಂಹಾಸನದ ಮೇಲೆ ಇದ್ದಾನೆಂದು, ಆತನ ಪಾದಗಳು ತನ್ನ ಪಾದಗಳ ಪೀಠದ ಮೇಲೆ ಇಟ್ಟುಕೊಂಡಿದ್ದಾನೆನ್ನುವ ಚಿತ್ರವನ್ನು ತೋರಿಸುತ್ತದೆ, ಇದರಿಂದ ಎಲ್ಲರು ಆತನಿಗೆ ಒಳಗಾಗಿದ್ದಾರೆಂದೆನ್ನುವ ವಿಷಯವನ್ನು ಸೂಚಿಸುತ್ತದೆ.
ಸತ್ಯವೇದದ ಅನುಬಂಧ ವಾಕ್ಯಗಳು :
ಪದ ಡೇಟಾ:
- Strong's: H1916, H3534, H7272, G4228, G5286