5.7 KiB
5.7 KiB
ಹೆಸರು
ಪದದ ಅರ್ಥವಿವರಣೆ:
"ಹೆಸರು" ಎಂಬ ಪದವು ನಿರ್ದಿಷ್ಟ ವ್ಯಕ್ತಿ ಅಥವಾ ವಸ್ತುವನ್ನು ಕರೆಯುವ ಪದವನ್ನು ಸೂಚಿಸುತ್ತದೆ. ಸತ್ಯವೇದದಲ್ಲಿ “ಹೆಸರು” ಎನ್ನುವ ಪದವು ಹಲವಾರು ವಿಭನ್ನ ಪರಿಕಲ್ಪನೆಗಳನ್ನು ಉಲ್ಲೇಖಿಸಲು ಹಲವಾರು ರೀತಿಯಲ್ಲಿ ಬಳಸಲಾಗುತ್ತದೆ.
- ಕೆಲವು ಸಂದರ್ಭಗಳಲ್ಲಿ, "ಹೆಸರು" ವ್ಯಕ್ತಿಯ ಖ್ಯಾತಿಯನ್ನು ಉಲ್ಲೇಖಿಸಬಹುದು, "ನಾವು ನಮಗಾಗಿ ಹೆಸರನ್ನು ಮಾಡೋಣ"ದಲ್ಲಿರುವ ಪ್ರಕಾರ.
- “ಹೆಸರು” ಎನ್ನುವ ಪದವು ಯಾವುದಾದರೊಂದನ್ನು ಜ್ಞಾಪಕ ಮಾಡಿಕೊಳ್ಳುವುದನ್ನು ಸೂಚಿಸುತ್ತದೆ. ಉದಾಹರಣೆಗೆ, ”ವಿಗ್ರಹಗಳ ಹೆಸರುಗಳನ್ನು ತೆಗೆದುಹಾಕು” ಎನ್ನುವ ಮಾತಿಗೆ ವಿಗ್ರಹಗಳೆಲ್ಲವನ್ನು ನಾಶಮಾಡು ಎಂದರ್ಥ, ಇದರಿಂದ ಅವುಗಳನ್ನು ಎಂದಿಗೂ ಜ್ಞಾಪಕಮಾಡಿಕೊಳ್ಳಬಾರದು ಅಥವಾ ಆರಾಧನೆ ಮಾಡಬಾರದು ಎಂದರ್ಥ.
- “ದೇವರ ಹೆಸರಿನಲ್ಲಿ” ಮಾತನಾಡುವುದು ಎಂದರೆ ಆತನ ಶಕ್ತಿ ಮತ್ತು ಅಧಿಕಾರಗಳೊಂದಿಗೆ ಮಾತನಾಡುವುದು ಅಥವಾ ಆತನ ಪ್ರತಿನಿಧಿಯಾಗಿ ಮಾತನಾಡುವುದು ಎಂದರ್ಥ.
- ಯಾರಾದರೊಬ್ಬರ “ಹೆಸರು” ಎನ್ನುವ ಮಾತು ಸಂಪೂರ್ಣವಾಗಿ ಒಬ್ಬ ವ್ಯಕ್ತಿಯನ್ನು ಸೂಚಿಸುತ್ತದೆ, ಉದಾಹರಣೆಗೆ, “...ಆಕಾಶದ ಕೆಳಗೆ ಮನುಷ್ಯರಿಗೆ ಕೊಟ್ಟಿರುವ ಮತ್ತ್ಯಾವ ಹೆಸರಿನಿಂದಲೂ ನಮಗೆ ರಕ್ಷಣೆಯಾಗುವುದಿಲ್ಲ.” (ನೋಡಿರಿ: ಲಾಕ್ಷಣಿಕ ಪ್ರಯೋಗ)
ಅನುವಾದ ಸಲಹೆಗಳು:
- “ಆತನ ಒಳ್ಳೇಯ ಹೆಸರು” ಎನ್ನುವ ಮಾತನ್ನು “ಆತನ ಒಳ್ಳೇಯ ಖ್ಯಾತಿ” ಎಂದೂ ಅನುವಾದ ಮಾಡಬಹುದು.
- “ಯಾರಾದರೊಬ್ಬರ ಅಥವಾ ಯಾವುದಾದರೊಂದರ ಹೆಸರಿನಲ್ಲಿ” ಎನಾದರೊಂದನ್ನು ಮಾಡುವುದು ಎನ್ನುವುದನ್ನು “ಅಧಿಕಾರದೊಂದಿಗೆ’ ಅಥವಾ “ಅನುಮತಿಯೊಂದಿಗೆ” ಅಥವಾ ಆ ವ್ಯಕ್ತಿಯ “ಪ್ರತಿನಿಧಿ” ಎಂದೂ ಅನುವಾದ ಮಾಡಬಹುದು.
- “ನಾವೆಲ್ಲರೂ ಹೆಸರುವಾಸಿಯಾಗೋಣ” ಎನ್ನುವ ಮಾತನ್ನು “ನಮ್ಮ ಕುರಿತಾಗಿ ಅನೇಕ ಜನರು ತಿಳಿದುಕೊಳ್ಳುವಂತೆ ಮಾಡುವುದು” ಅಥವಾ “ನಾವು ತುಂಬಾ ಪ್ರಾಮುಖ್ಯವಾದವರೆಂದು ಎಲ್ಲಾ ಜನರು ಆಲೋಚನೆ ಮಾಡುವಂತೆ ಮಾಡು” ಎಂದೂ ಅನುವಾದ ಮಾಡಬಹುದು.
- “ಆತನ ಹೆಸರನ್ನಿಟ್ಟು ಕರೆ” ಎನ್ನುವ ಮಾತನ್ನು “ಅವನಿಗೆ ಹೆಸರಿಡು” ಅಥವಾ “ಒಂದು ಹೆಸರನ್ನು ಅವನಿಗೆ ಕೊಡು” ಎಂದೂ ಅನುವಾದ ಮಾಡಬಹುದು.
- “ನಿನ್ನ ಹೆಸರನ್ನು ಪ್ರೀತಿಸುವ ಪ್ರತಿಯೊಬ್ಬರು” ಎನ್ನುವ ಮಾತನ್ನು “ನಿನ್ನನ್ನು ಪ್ರೀತಿಸುವ ಪ್ರತಿಯೊಬ್ಬರು” ಎಂದು ಅನುವಾದ ಮಾಡಬಹುದು.
- “ವಿಗ್ರಹಗಳ ಹೆಸರುಗಳನ್ನು ತೆಗೆದುಹಾಕು” ಎನ್ನುವ ಮಾತನ್ನು “ಅನ್ಯ ವಿಗ್ರಹಗಳಿಂದ ಬಿಡುಗಡೆ ಹೊಂದು, ಇದರಿಂದ ಅವುಗಳನ್ನು ತಿರುಗಿ ನೆನಸಿಕೊಳ್ಳಬಾರದು” ಅಥವಾ “ಜನರು ಸುಳ್ಳು ದೇವರುಗಳನ್ನು ಆರಾಧನೆ ಮಾಡದಂತೆ ಮಾಡು” ಅಥವಾ “ಎಲ್ಲಾ ವಿಗ್ರಹಗಳನ್ನು ಸಂಪೂರ್ಣವಾಗಿ ತೆಗೆದುಹಾಕು, ಇದರಿಂದ ಜನರು ಅವುಗಳ ಕುರಿತಾಗಿ ಎಂದಿಗೂ ಆಲೋಚನೆ ಮಾಡುವುದಿಲ್ಲ” ಎಂದೂ ಅನುವಾದ ಮಾಡಬಹುದು.
(ಈ ಪದಗಳನ್ನು ಸಹ ನೋಡಿರಿ : ಕರೆ)
ಸತ್ಯವೇದದ ಅನುಬಂಧ ವಾಕ್ಯಗಳು:
- 1 ಯೋಹಾನ.02:12
- 2 ತಿಮೊಥೆ.02:19
- ಅಪೊ.ಕೃತ್ಯ.04:07
- ಅಪೊ.ಕೃತ್ಯ.04:12
- ಅಪೊ.ಕೃತ್ಯ.09:27
- ಆದಿ.12:1-02
- ಆದಿ.35:10
- ಮತ್ತಾಯ.18:05
ಪದ ಡೇಟಾ:
- Strong's: H5344, H7121, H7761, H8034, H8036, G2564, G3686, G3687, G5122