1.8 KiB
Pangsilpo a Salaysay ken Pakaammo:
Itultuloy ti anghel a makisarsarita kenni Zacarias nga ipalpalawag ti sirmata.
Saan a babaen iti pigsa wenno pannakabalin
Mabalin nga ipatarus daytoy a kas: "Saanka nga agballigi babaen iti pigsam wenno babaen iti pannakabalinmo."
Saan a babaen iti pigsa wenno pannakabalin
Dagiti mabalin a kaipapananna ket 1) agpada ti kaipapanan dagiti sasao a "pigsa" ken "pannakabalin" ken iyunay-unayna ti kinapigsa ni Zerubbabel wenno 2) dakdakamatenna ti sao a "pigsa" ti bileg ti militar, ken ti sao a "pannakabalin" ket dakdakamatenna ti kabaelan ni Zerubbabel. Mabalin nga ipatarus daytoy a kas: "Awan dua-dua a saan a babaen iti bukodmo a pigsa" wenno "Saan a babaen iti bileg ti militar wenno iti bukodmo a pannakabalin" (Kitaen: Doublet)
Aniaka koma, dakkel a bantay? Iti sangoanan ni Zerubbabel, agbalinkanto a patad
Sarsaritaen ni Yahweh dagiti lapped a sangoento ni Zerubbabel a kasla dagitoy ket maysa a dakkel a bantay. Mabalin nga ipatarus daytoy a kas: "Awan serserbim, O nangato a bantay! Patadennakanto ni Zerubbabel" wenno "Urayno agparang dagiti lapped a kas kadagiti dadakkel a bantay, pagballigian dagitoy ni Zerubbabel a kas kalaka iti pannagna ti maysa a tao iti daga" (Kitaen: Metaphor ken Rhetorical Question)
iruarna ti kangrunaan a bato
Dakdakamatenna daytoy ti kangrunaan a bato ti templo. Mabalin nga ipatarus daytoy a kas: "iruarnanto ti kangrunaan a bato ti templo" wenno "leppasenna ti pannakaipatakder ti templo" (Kitaen: Assumed Knowledge ken Implicit Information)
a mangipukkaw "Parabur! Parabur!
Mabalin nga ipatarus daytoy a kas: "bayat nga agpukpukkaw dagiti tattao, 'Bendisionan koma daytoy ti Dios! Bendisionan koma daytoy ti Dios!'" wenno "bayat nga agpukpukkaw dagiti tattao, 'Napintas! Napintas daytoy!'" (Kitaen: Assumed Knowledge ken Implicit Information)