1.9 KiB
Pangsilpo a salaysay:
Ipalpalagip ni Pablo kadatayo nga agturturay ti parabur kadatayo, saan nga ti linteg; saannatayo a tagabu ti basol ngem ketdi tagabunatayo ti Dios.
saanyo nga itulok ti basol nga agturay
Ti "basol" ket nailadawan a kas iti ari ti maysa a tao wenno amongna. (Kitaen: rc://ilo/ta/man/translate/figs-personification)
nainlasagan a bagiyo
Dagitoy a sasao ket maipapan iti napisikalan a paset ti bagi ti maysa a tao a matayto. AT: "dakayo"
iti kasta pagtulnoganyo ti gartemna
Ti "basol", ket kasla amo a kayatna nga agtulnog ti managbasol a tao iti ibilinna nga agaramid daytoy kadagiti dakes a banbanag.
Saanyo nga idatag dagiti paset ti bagiyo iti basol a maaramat iti kinaawanlinteg
Ti mailadladawan ditoy ket ti managbasol a mangidatdaton iti "paset ti bagina" iti amongna wenno iti arina. AT: "Saanyo nga idaton dagiti bagiyo iti basol a pakaigapuan iti panangaramidyo iti saan a rumbeng." (Kitaen: rc://ilo/ta/man/translate/figs-synecdoche)
ngem idatagyo dagiti bagbagiyo iti Dios, kas sibibiag manipud iti patay
AT: "ngem idatonyo dagiti bagiyo iti Dios, gapu ta inikkannakayo iti baro a naespirituan a biag"
idatagyo dagiti paset ti bagiyo a maaramat iti kinalinteg a maipaay iti Dios
AT: "Itulokyo nga aramatennakayo ti Dios para iti makaay-ayo kenkuana"
Saanyo a palubusan nga agturay ti basol kadakayo
AT: "Saanyo nga itulok a tengngelen ti managbasol a tarigagayyo ti aramidenyo" wenno "Saanyo nga itulok ti bagiyo nga agaramid iti basol a kayatyo nga aramiden"
Ta awankayon iti linteg
Ti kayat a sawen daytoy ket mabalin a maaramid a nalawag. AT: "ta saankayon a naibalud iti Linteg ni Moises a saan a makaited kadakayo iti bileg a mangpasardeng kadakayo iti panagbasolyo." (Kitaen: rc://ilo/ta/man/translate/figs-explicit)
no di ket iti parabur
Ti kayat a sawen daytoy ket mabalin a maaramid a nalawag. AT: "ngem addakayo iti parabur ti Dios a nangted kadakayo iti bileg tapno agsardengkayo nga agbasbasol"