1.4 KiB
Kanta iti isasang-at
Dagiti mabalin a kaipapananna ket 1) “Kanta a kinanta dagiti tattao kabayatan a sumangsang-atda idiay Jerusalem para iti panagrambak” wenno 2) “kanta a kinanta dagiti tattao kabayatan a sumangsang-atda kadagiti tuktukad ti agdan iti templo” wenno 3) “kanta a dagiti balikasna ket kasla tuktukad.” Kitaem no kasanoyo a naipatarus daytoy idiay 120:1
Dagiti agtaltalek kenni Yahweh ket kasda la iti Bantay Sion, saan a magunggon, agtalinaed iti agnanayon
Dagiti tattao nga agtaltalek kenni Yahweh ket naisao a kasda la iti Bantay Sion. Dagiti bantay ket saan a mabalin a maiyakar. (Kitaen: Simille)
Kas kadagiti bantay a naipalawlaw iti Jerusalem, kasta met a linawlaw ni Yahweh dagiti tattaona
Ti panangsalaknib ni Yahweh ket naisao a kasla isuna dagiti bantay a nanglawlaw iti Jerusalem. Napalawlawan ti Jerusalem iti agduduma a banbantay, a mangsalaknib iti pannakadarup. Mabalin nga ipatarus daytoy a kas: “Kas kadagiti turod a naipalawlaw iti Jerusalem a mangsalsalaknib iti daytoy, kasta met a salsalakniban ni Yahweh dagiti tattaona” (UDB) (Kitaen: Simille)
ita ken iti agnanayon
Ditoy, ti kayat a sawen daytoy a ragup ti sao ket “kankanayon.” (Kitaen: Merism)
ti setro ti kinadangkes
Ditoy, ti setro ti kinadangkes ket ibagbagina iti turay dagiti nadangkes a tattao. Mabalin nga ipatarus daytoy a kas: “Dagiti nadangkes a tattao” wenno “Dagiti nadangkes a mangiturturay” (Kitaen: Metonymy)