966 B
DALETH
Daytoy ti nagan ti maikapat a letra ti alpabeto a Hebreo. Iti pagsasao a Hebreo, tunggal linia dagiti bersikulo a 25-32 ket agrugi iti daytoy a letra.
Ti biagko ket nakakapet iti tapok
Dagiti mabalin a kayatna a sawen ket 1) panpanunotenna a matay isuna iti mabiit, 2) nagidda isuna iti katapukan gapu ta naliday unay isuna, wenno 3) naamirisna a tinarigagayanna dagiti awan pategna a banbanag iti daga. (Kitaem: Idiom)
ikkannak iti biag babaen iti saom
Ti dakdakamaten ditoy ti “biag” ket ti panggep ken kinapateg, saan laeng a napisikilan a biag. (Kitaem: Idiom)
babaen iti saom
Ibagbagi ti “sao” ti Dios no ania ti kinunana. Dakdakamatenna ditoy no ania ti inkarina. Mabalin nga ipatarus daytoy a kas: “sigun iti karim” (Kitaem: Metonymy)
dagiti dalanko
Ti ar-aramiden ti maysa a tao wenno ti panagtignayna ket naisao a kasla dalan wenno wagas. Mabalin nga ipatarus daytoy a kas: “dagiti inaramidko” (Kitaem: Metaphor)