1.3 KiB
nakaskasdaaw a banbanag
"Dagiti nasayaat unay a banbanag a mangpasiddaaw kaniak"
O Yahweh, isurom kaniak dagiti dalanmo. Ket magnaakto iti kinapudnom
Ti kayat ti Dios a panagbiag ti tao ket naisao a kasla dagiti dalanna wenno dagiti kalsadana. Ti maysa a tao nga agtultulnog iti kayat ti Dios ket naisao a kasla magmagna isuna iti dalan wenno kalsada ti Dios. Ti sabali a pannakaipatarusna: "Isurom kaniak ti kinapudnom, Yahweh. Ket agtulnogakto iti ibagam" (Kitaen: Metaphor)
Pagkaysaem ti pusok nga agraem kenka
Ditoy, ibagbagi ti "puso" ti kapanunotan, rikna ken motibo ti maysa a tao. Ti panangdawat ti maysa a tao iti Dios a pagraemenna a naan-anay kenkuana ket naisao a kasla ti puso ti maysa a tao ket adu a pidaso ken pagkaykaysaen ti Dios ida a sangsangkamaysa. Ti sabali a pannakaipatarusna: "Pagbalinennak a sipupudno nga agraem kenka iti amin a pusok" wenno "Pagbalinennak a sipupudno nga agraem kenka" (Kitaem: Metonymy and Metaphor)
Agdayawakto kenka iti amin a pusok
Ditoy, ibagbagi ti "puso dagiti kapanunotan, rikna, ken motibo ti maysa a tao. Ti sabali a pannakaipatarusna: "Agdayawakto kenka a naan-anay ken sipupudno" (Kitaen: Metonymy)
Idaydayawkonto ti naganmo
Ditoy, Ibagbagi ti "nagan" ti sibubukel a tao. Ti sabali a pannakaipatarusna: "Idaydayawkanto" (Kitaen: Metonymy)