1.5 KiB
Agriingka, apay a matmaturogka, O Apo?
Saan a kayat a sawen daytoy a pudno a nakaturog ti Dios. Sasawen ti nangisurat ti saan a panagtignay ti Dios a kasla matmaturog ti Dios. Sinaludsodna daytoy tapno babalawenna ti Dios ta agparparang a saan a maseknan maipapan kadagiti pannakariribukda. Ti sabali a pannakaipatarusna: "Agriingka, mariknak a kasla matmaturogka, Apo!
saannakami nga ilaksid
Sarsaritaen ti nangisurat a ti panangilaksid ti Dios iti Israel ket kasla panangikkat iti saan a kayat a pagan-anay. Kitaen no kasanom nga impatarus ti kapadana a ragup ti sasao idiay 44:9. Ti sabali a pannakaipatarusna: "saannakami a laksiden"
Apay nga ilemmengmo ti rupam...ti pannakaparparigatmi
Us-usaren ti nangisurat daytoy a saludsod tapno agreklamo ta agparparang a saan nga ikaskaso ti Dios ida. Ti sabali a pannakaipatarusna: "saanmo nga ilemmeng ti rupam...ti pannakaparparigatmi." (Kitaen: Rhetorical Questions)
ilemmengmo ti rupam
Sarsaritaen ti nangisurat a ti saan a panangikaskaso ti Dios kadakuada ket kasla ilemlemmeng ti Dios ti rupana a saanna a makita ida. Ti sabali a pannakaipatarusna: "saandakami nga ikaskaso"
lipatem ti pannakaparparigat ken pannakaidadanesmi
Agpada ti kayat sawen dagiti sasao a "pannakaparparigat" ken "pannakaidadanes" ken iyunay-unayda ti kinakaro ti pannakaparparigatda. Mabalin met nga ipatarus dagitoy a sasao a kas yanag(verbs). Ti sabali a pannakaipatarusna: "lipatem dagita a tattao a mangparparigat ken mangidaddadanes kadakami" wenno "lipatem dagita a tao a mangparparigat unay kadakami"