2.9 KiB
Saan a timmallikod ti pusomi...saan nga immadayo iti dalanmo
Adda nagpadaaan dagitoy dua a ragup ti sasao. Agsasao ti nangisurat a kasla sumursurot kenkuana ti kinapudno ti Dios, ken kasla umad-adayo kenkuana ti saan a kinapudno.
Saan a timmallikod ti pusomi
Ditoy, ti sao a "puso" ket dakdakamtenna ti rikna, kas koma iti kinapudno ken kinapasnek. Ti sabali a pannakaipatarusna: "Saankami a nagsardeng a napudno kenka" (UDB) (Kitaen: Metonymy)
nakaro ti panangburakmo kadakami
Sarsaritaen ti nangisurat a ti panangdusa ti Dios ket kasla panangburak iti narasi a banag. Ti sabali a pannakaipatarusna: "nakaro ti panangdusam kadakami"
iti ayan dagiti narungsot nga ayup
Sarsaritaen ti nangisurat a kalpasan ti panangdusa ti Dios iti Israel ket nagbalin a kasla awan ti matataona a lugar. Ti sabali a pannakaipatarusna: "ket nagbalin ti lugarmi a kasla pagnaedan dagiti narungsot nga ayup" (Kitaen: Metaphor)
narungsot nga ayup
maysa a kita ti atap nga aso
inabbongannakami iti anniniwan ni patay
Sarsaritaen ti nangisurat ti patay a kasla maysa a banag a manganniniwan kadagitizs dandanin matay. Ti sabali a pannakaipatarusna: "inaramidmo a dandanikamin matay"
No nalipatanmi ti nagan ti Diosmi
Ditoy, ti sao a "nagan" ket dakdakamatenna ti Dios, mismo. Ti pananglipat iti Dios ket panagsardeng a mangdaydayaw kenkuana. Maysa a banag daytoy a saan a napasamak. Ti sabali a pannakaipatarusna: "No nalipatanmi ti Diosmi" wenno "no insardengmi ti agdaydayaw iti Diosmi" (Kitaen: Metonymy and Hypothetical Situations)
iyunnatnatmi dagiti imami iti sabali a Dios
Ti panangiyunnat iti ima ket tignay nga inusar dagiti tattao nga a agdayaw ken agkararag iti maysa a dios. Ti sabali a pannakaipatarusna: "nagdayaw iti sabali a dios" wenno "nagkararag iti sabali a dios" (Kitaen: Symbolic Action)
saanto kadi a sukimaten ti Dios daytoy?
Us-usaren ti nangisurat daytoy a saludsod a mangiyebkas a maammoan ti Dios no agdayawda iti sabali a dios. Ti sabali a pannakaipatarusna: "Awan duadua a maduktalan ti Dios" (Kitaen: Rhetorical Questions)
ammona dagiti palimed ti puso
Ditoy, ti sao a "puso" ket dakdakamatenna ti panunot ken kapanunotan. Ti sabali a pannakaipatarusna: "ammona ti sililimed a panpanunoten ti maysa a tao"
agmalmalem a mapappapataykami
Ti ragup ti sasao nga "agmalamalem" ket nalabes unay a panangiyunay-unay a masansan a matay dagiti tattaoda. Mabalin nga ipatarus daytoy iti "active form." Ti sabali a pannakaipatarusna: "patpatayendakami dagiti tattao iti amin ng oras"
naibilangkami a maysa a karnero a maparti
Mabalin nga ipatarus daytoy iti "active form." Ti sabali a pannakaipatarusna: "ibilangdakami dagiti tattao a kasla karnero a maparti"
karnero a maparti
Idildilig ti nangisurat dagiti Israelita iti maysa a karnero a patayen ken kanen dagiti tattao. Kas ti kinaawan gaway ti karnero kadagiti mangpapatay kadakuada, kasta met ti kinaawan gaway dagiti Israelita kadagiti kabusorda.