1.2 KiB
mapukaw ti naganna
No matay ti nagan ti maysa a tao, kayatna a sawen a malipatan dagiti tattao a nagbiag isuna. Ti sabali a pannakaipatarusna: "kaanonto a matay ti naganna" wenno 'kaanonto a malipatan dagiti tattao ti maipapan kenkuana" (Kitaen: Ellipsis and Idiom)
no umaynak kitaen ti kabusorko
Dakdakamaten dagiti sasao a "ti kabusorko" ti siasinoman a kabusor, ken saan laeng a maymaysa a kabusor.
agibagbaga isuna iti awan serserbina a banbanag
Dagiti mabalin a kaipapananna ket 1) "agibagbaga isuna kadagiti awan kaipapananna a banbanag" wenno "agibagbaga isuna kadagiti maka-allilaw a banbanag." Agibagbaga kadagiti banbanag dagiti kabusorna tapno panunotenna a gayyemna ida uray no saan. Ti sabali a pannakaipatarusna: "agpampammarangda a maseknanda iti maipapan kaniak" (UDB) (Kitaen: Idiom)
ur-urnongen ti pusona ti pannakadidigrak
Padpadasen dagiti kabusorna nga ammoen dagiti amin a saan a nasayaat a banbanag maipapan kenkuana. Ditoy, dakdakamaten ti sao a "puso" ti sibubukel a tao. Dagiti saan a nasayaat a paspasamak ket naisao a kasla banag a mabalin nga urnongen. Ti sabali a pannakaipatarusna: "padpadasenna nga ammoen ti maipapan kadagiti amin a pakarigatak" (Kitaen: Synecdoche and Metaphor)