1.9 KiB
anian a nagpateg ti kinapudnom iti tulagmo
Nadakamat ti kinapudno ti Dios iti tulagna a kasla daytoy ket manmano ken nangingina nga alahas. Mabalin a maipatarus daytoy a kas: “Ti kinapudnom iti tulagmo ket kas kapateg dagiti manmano nga alahas” (Kitaen: Metaphor)
Agkamang dagiti tattao iti salinong dagiti payakmo
Saan a pudpudno nga addaan ti Dios kadagiti payak. Daytoy ket “metaphor” para iti panangsalaknib ti Dios. Mabalin a maipatarus daytoy a kas: “Kumamang dagiti tattao kenka a kasla kadagiti sibong a billit a kumamang iti salinong dagiti payak ti inada” (Kitaen: Metaphor)
Sibubuslon a mapnekdanto
Mabalin nga ibaga daytoy iti “active form.” Mabalin a maipatarus daytoy a kas: “Nawadwad a pennekem ida” (Kitaen: Active or Passive)
kadagiti kinabaknang ti taraon iti balaymo
Saanna a kayat a sawen daytoy nga addaan ti Dios iti balay nga addaan kadagiti taraon. Daytoy ket “metaphor” para iti nawadwad a panangisabet iti kasapulan. Mabalin a maipatarus daytoy a kas: “a kasla kankanenda ti nabaknang a taraon manipud iti balaymo” wenno “kadagiti nabaknang a bendisionmo” (Kitaen: Metaphor)
palubosam ida nga uminom manipud iti karayan dagiti napateg a bendisionmo
Adda ti dua a “metaphor” ditoy. Nadakamat dagiti nawadwad a bendision ti Dios a kasla dagitoy ket danum nga agay-ayus iti karayan. Kasta pay, nadakamat dagiti nakaawat kadagitoy a bendision a kasla in-inumenda dagitoy a danum. Mabalin a maipatarus daytoy a kas: “dagiti napateg a bendisionmo ket kasla iti maysa a karayan a pangpainumam kadakuada” (Kitaen: Metaphor)
ubbog ti biag
“paggapuan ti biag”
iti silawmo, makakitakami iti lawag
Ditoy, maysa a “metaphor” ti “lawag” para iti pudpudno a pannakaammo. Mabalin a maipatarus daytoy a kas: “inton lawlawagannakami, maammoanminto ti kinapudno” wenno “ti lawagmo ti mangted kadakami iti kabaelan a mangammo iti kinapudno maipanggep kenka” (UDB) (Kitaen: Metaphor)