1.5 KiB
Sika ti paglemmengak
Naisao ti Yahweh a kasla isuna ket maysa a natalged a lugar iti panangdarup dagiti kabusor iti mannurat. Mabalin nga ipatarus daytoy a kas: “Maiyarigka iti maysa a lugar a no sadino ket mailemmengak dagiti kabusroko” (Kitaen: Metaphor)
Palawlawannakto kadagiti kankanta ti balligi
Kayat a sawen daytoy a ti panangsalaknib ni Yahweh iti mannurat ket isu ti makagapu kadagiti kankanta ti balligi a makanta. Mabalin nga ipatarus daytoy a kas: “Gapu kenka agkantaakto kadagiti kankanta ti balligi.” (Kitaen: Metaphor)
Sela
Mabalin a termino daytoy iti musika a mangibagbaga kadagiti tattao no kasano ti panagtukar wenno panagkanta ditoy. Isursurat dagiti dadduma a patarus ti Hebreo a pagsasao, ken saan nga iramraman dagiti dadduma daytoy. Kitaem no kasanom nga impatarus daytoy idiay 3:2. (Kitaen: Copy or Borrow Words)
Bilinen ken isurokanto iti dalan
Agpada ti kayat a sawen dagiti sasao a “bilinen” ken isurokanto.”Mabalin nga ipatarus daytoy a kas: “Isurokto amin kenka maipanggep iti dalan” (Kitaen: Doublet)
Bilinenkanto
Mabalin a ni Yahweh daytoy nga agsasao nga agturong kenni David.
iti dalan a masapul a pagnaam
Ti panagbiag iti umno a wagas ket naisao a kasla daytoy ket maysa a pagnaan a masapul a pagnaan iti mannurat. Mabalin nga ipatarus daytoy a kas: “no kasanoka nga agbiag” (Kitaen: Metaphor)
a sikikitaak kenka
Ti “sikikitaak” ditoy ket ti panangimatang ni Yahweh. Mabalin nga ipatarus daytoy a kas: “ket iturongko ti panagkitak kenka” wenno “ket kitkitaenka” (UDB) (Kitaen: Metonymy)