1.7 KiB
Sapasap a Pakaammo
Kitaen ti Poetry ken Parallelism
Salmo ni David
Dagiti mabalin a kayatna a sawen ket 1) Insurat ni David ti salmo wenno 2) maipapan kenni David ti salmo wenno 3) naibasar ti salmo iti panagaramid ni David kadagiti salmo
umawagak
“Pigsaak ti umawag”
a Batok
Ibagbaga daytoy ti maipapan kenni Yahweh a kasla isuna ket maysa a bato. Mabalin nga umuli ti maysa a tao iti rabaw ti dakkel a bato tapno agbalin a salaknibna manipud kadagiti kabusorna.Mabalin nga ipatarus daytoy a kas: “kaslaka bato a mangsalsalaknib kaniak manipud kadagiti kabusorko” wenno “mangsalsalaknib kaniak” (Kitaen: Metaphor)
ipangagnak
“saannak a panawan nga agmaymaysa”
maitiponakto kadagiti maitanem
Dagiti tattao a matay ket naisao a kaslada maiyulog iti tanem. Mabalin nga ipatarus daytoy a kas: “Matayak a kas kadagidiay adda iti tanem” (Kitaen: Metaphor)
Denggem ti uni ti pakaasik
Ditoy, ti “uni” ket ti linaon ti kiddawna. Mabalin nga ipatarus daytoy a kas: “Denggem daytoy nainget a kiddawko” (Kitaen: Metonymy)
ingatok dagiti imak nga agturong iti kasasantoan a lugarmo
Ti panangingato kadagiti ima ket maysa a simbolo ti panagdayaw. Saan a daydayawen ti nangisurat ti nasantoan a lugar. Daydayawenna ni Yahweh nga agnanaed iti nasantoan a lugar. (Kitaen: Symbolic Action)
kasasantoan a lugarmo
Dagiti mabalin a kayatna a sawen ket 1) no insurat ni David daytoy, maipapan ngarud daytoy iti tolda nga imbaga ti Dios kadagiti tattao nga ipatakderda tapno mabalinda ti agdaydayaw kenkuana idiay, wenno 2) no insurat daytoy iti maysa a tao kalpasan ni David, ti dakdakamaten ngarud ti mangisursurat ket ti templo idiay Jerusalem.