1.6 KiB
Sapasap a Pakaammo:
Agsasao ni David maipanggep kadagiti kabusorna.
Ta awan ti kinapudno iti ngiwatda
Ibagbagi ti kinapudno nga adda iti ngiwat ti panagsao a sipupudno. Mabalin nga ipatarus daytoy a kas: “Ta saanda a pulos nga ibaga ti pudno” (Kitaen: Metonymy)
nadangkes ti kaungganda
Ibagbagi ti kaunggan dagiti kapanunotan ken dagiti tarigagay ti tao. Mabalin nga ipatarus daytoy a kas: “nadangkes dagiti kapanunotanda ken dagiti tarigagayda” (Kitaen: Metonymy)
ti karabukobda
Ibagbagi ti karabukob ti panagsao dagiti tattao. Mabalin nga ipatarus daytoy a kas: “ti panagsaoda” wenno “dagiti ibagbagada” (Kitaen: Metonymy)
ti karabukobda ket nakalukat a tanem
Ti "karabukobda" ket naisao a kasla daytoy ket nakalukat a tanem, a nakasagana a pakaikabilan dagiti bangkay. Dagiti mabalin a kayatna a sawen ket 1) “ibagbagada a patayenda dagiti tattao” wenno “makapatay kadagiti tattao ti ibagbagada” (Kitaen: Metaphor)
agpaspasablogda babaen iti dilada
“mangibagbagada kadagiti agkakapintas a banbanag maipanggep kadagiti tattao a saan a daytoy ti pudno a kayatda a sawen”
dagiti panggepda koma ti pakatinnaganda
“dagiti panggepda koma ti pakaigapuan ti panagsagrapda kadagiti didigra” wenno “agbalinda koma nga awan serserbina gapu kadagiti panggepda”
panggepda
dagiti panggep a mangdangran kadagiti tattao
pakatinnaganda
Daytoy ket maysa a banag a pakaigapuan nga agsagrap ti maysa a tao kadagiti didigra wenno mapukaw ti pannakabalinna. Ti panagsagrap iti didigra wenno kinaawan serserbina ket naisao a kasla pannakatinnag. (Kitaen: Metonymy)