1.6 KiB
Ta apay koma nga agpatiliwka anakko, iti maysa a mannakikamkamalala; apay koma nga arakupem ti barukong ti babai a saanmo met nga am-ammo?
Iyunay-unay daytoy a masapul a saan nga aramiden ti anakna dagitoy a banbanag. Mabalin a maipatarus a kas: “Anakko, saanka koma a paallukoy iti maysa a mannakikamalala! Saanmo nga arakupen ti barukong ti dakes a babai!” (Kitaen: Rhetorical Question)
agpatiliwka.... iti maysa a mannakikamkamalala
Ti nakaro a gagar a rumsua gapu iti panangtarigagay iti maysa a babai ket naisao a kasla tiniliw isuna ti maysa a babai. Mabalin a maipatarus a kas: “palubosam...a tiliwennaka ti maysa a babai” wenno “palubosam...a guyugoyennaka ti maysa a babai” (Kitaen: Active or Passive)
apay koma nga arakupem ti barukong ti babai a saanmo met nga am-ammo
Ti kayat a sawen ti sao a “barukong” ket ti dakes a babai ken ti makagargari nga itsurana. Mabalin a maipatarus a kas: “apay koma nga arakupem ti narugit a babai” (Kitaen: Synecdoche)
babai a saanmo met nga am-ammo
Dagiti mabalin a kayatna a sawen ket 1) “babai a saanmo met nga asawa” weeno 2) “babai nga asawa ti sabali a lalaki”
Makitkita…..ti amin … buybuyaenna ti amin a dalan
Agpada ti kayat a sawen dagitoy a sasao ken iyunay-unayda nga ammo amin ti Dios ti amin nga ar-aramiden ti tunggal maysa. (Kitaen: Parallelism)
amin a dalan a pagpagnaanna
Sarsaritaen ti nagsurat ti tigtignay wenno wagas ti panagbiag ti maysa a tao a kasla daytoy ket maysa a dalan a pagnaan ti maysa a tao. Mabalin a maipatarus a kas: “sadinoman a pappapananna” wenno “amin a banag nga ar-aramidenna” (Kitaen: Metaphor)