1.3 KiB
Iturturayandakami dagiti tagabu
Dagiti mabalin a kaipapananna ket 1) “Ita, dagiti tattao a mangiturturay kadakami ket tagabun kadagiti bukodda nga among idiay Babilonia” wenno 2) “Dagiti tattao a tagabu idi idiay Babilonia ket isudan ti mangiturturay kadakami ita.” (Kitaenyo ti: Assumed Knowledge ken Implicit Information)
mangispal kadakami manipud kadagiti imada
Ti sao nga “ima” a naaramat ditoy ket maipapan iti panangituray. Mabalin daytoy a maipatarus a kas: “a mangispal kadakami manipud iti panangtengngelda” (Kitaenyo ti Metonymy)
Tinapay
Ti sao a “tinapay” ket maipapan iti taraon. Mabalin daytoy a maipatarus a kas: “taraon” (Kitaenyo ti: Metonymy)
iti sangoanan ti kampilan ti let-ang
Dagiti agtatakaw a nakakampilan ket nadakamat babaen iti sao laeng a “kampilan.” Mabalin daytoy a maipatarus a kas: “gapu ta adda dagiti agtatakaw idiay let-ang a mangpatpatay kadagiti tattao babaen kadagiti kampilan” (Kitaenyo ti: Metonymy)
Ti kudilmi ket maiyarig iti maysa a pogon, a nakabarbara gapu iti bisin
Dagiti bagi dagiti tattao a napudot ken nabara ket nadakamat a kasla dagiti kudilda ket kas kapudot ti maysa a pogon. Agbara dagiti tattao gapu iti bisinda. Mabalin daytoy a maipatarus a kas: “dagiti kudilmi ket pimmudot a kas iti maysa a pogon, ken nagbarakami gapu ta mabisbisinkami unay” (Kitaenyo ti: Simile)