1.9 KiB
Sapasap a Pakaammo
Iti daytoy a paset, ti Dios ket masansan a maibagbaga a kasla maysa isuna a mannakigubat.
Imbiatna ti baina
Kitaenyo no kasanoyo nga impatarus daytoy idiay Dungdung-aw 2:4. Masapul nga ibiat ti maysa a soldado ti baina tapno makaipatayab isuna iti pana manipud iti daytoy. Ti panangikedkeddeng ti Dios a mangipalak-am iti mannurat iti riribuk ket ibagbaga ti mannurat a kasla ti Dios ket maysa a mannakigubat a nakasagana a mangpana kenkuana. Mabalin a maipatarus daytoy a kas “Arigna a nakasaganan ti Dios a mangpana”
pusok
Iti Ingles, inusarda ti sao a bato wenno kidney. Ngem gapu ta iti Iloko ket puso ti paggapgapuan ti rikna, isu ngarud ti nausar ditoy. Ken daytoy ti inusar dagiti kaaduan a patarus ti Biblia nga Iloko. Mabalin a maipatarus daytoy a kas “iti kaunggan ti bagik” (UDB)
Pagkakatawaandak dagiti amin a tattaok
Dagiti mabalin a kaipapananna ket 1) “nagbalinak a pagkakatawaan ti entero nga Israel” wenno 2) “nagbalinak a pagkakatawaan dagiti amin a tattao iti rabaw ti daga.” (Kitaenyo ti: rc://ilo/ta/man/translate/figs-hyperbole)
Pinunnonak iti pait
“kasla pinilitnak a pinakan iti nakapapait a mula” (Kitaen: rc://ilo/ta/man/translate/figs-metaphor)
pinainumnak iti apro
Iti Ingles, inusarda ti nagan ti tubbog ti maysa a mula a nakapapait. Ngem gapu ta awan ditoy ti kasdiay a kita ti mula, nausar ngarud ditoy ti maysa a banag nga ammotayo a nakapapait. Isu ti apro. Ti panaginom iti apro ket maysa nga ilustrasyon a mangipakita iti nakasasaem a panagsagaba. Mabalin a maipatarus daytoy a kas “kasla pinilitnak nga uminum iti nakapapait a mainum” (Kitaenyo ti: Metaphor ken Panangipatarus kadagiti Banbanag a Saan nga Ammo)
Apro
Daytoy ket maysa a paset ti bagi ti tao wenno ayup. Nakapapait unay ti ramanna. Inaramat daytoy dagiti dadduma a patarus para iti daytoy a paset. Adda met dagiti nangusar iti sao nga “ajenjo” iti Biblia nga Iloko.