2.9 KiB
Sapasap a Pakaammo:
Mangrugi ti baro a daniw. Mangar-aramat ti nangisurat iti daytoy a libro iti naduma-duma a wagas a mangiyebkas a napukaw dagiti tattao ti Israel ti parabur ti Apo. (Kitaen: Poetry and Parallelism and Metaphor)
Naan-anay nga inabbongan ti Apo iti napuskol nga ulep ti anak a babai ti Sion gapu iti ungetna
Sarsaritaen daytoy ti unget ti Apo iti Jerusalem (Sion) a kasla napuskol nga ulep ti ungetna. Dagiti mabalin a kayatna a sawen ket 1) Ipangpangta ti Dios a dangranna dagiti tattao ti Jerusalem wenno 2) Dinangranen ti Dios dagiti tattao ti Jerusalem. (Kitaen: Metaphor)
anak a babai ti Sion ... anak a babai ti Juda
Iti daytoy a daniw, nausar dagitoy a pang-awag iti Jerusalem, a nadakamat ditoy a kasla ti Jerusalem ket maysa a babai. (Kitaen: Personification)
Manipud langit intinnagna iti daga ti kinapintas ti Israel
Ti ragup ti sasao a “kinapintas ti Israel” ket ti Jerusalem ti dakdakamatenna. Sarsaritaen daytoy dagiti tattao ti Jerusalem a a napukawda ti parabur ti Apo a kasla inikkatna ida iti imatangna. Ipakpakita iti ragup ti sasao a “manipud langit agingga iti daga” ti kaadayo iti pannakapukaw dagiti tattao ti Jerusalem iti parabur ti Apo kadakuada. Mabalin a maipatarus daytoy a kas: “Napukaw ti Jerusalem a kinapintas ti Israel ti amin a parabur ti Apo” (Kitaen: Metaphor and Assumed Knowledge and Implicit Information)
saanna nga inkankano ti pagbatayan ti sakana
Daytoy ket maipapan iti Apo nga imbilangna ti Jerusalem a “pagbatayan ti sakana” iti napalabas, a nangipakita nga addan isuna iti turay kadakuada ken nagpapaiturayda kenkuana. Sarsaritaen daytoy ti Apo a saannan nga ibilbilang a pagbatayan ti sakana ti Jerusalem a kasla saanna a malagip ti Jerusalem. Mabalin a maipatarus daytoy a kas: “Linipatnan ti Jerusalem a kas pagbatayan ti sakana” (Kitaen: Metaphor)
saanna nga inkankano
Sarsaritaen daytoy ti Apo a saanna ikankano ti Jerusalem a kasla nalipatannan dagiti tattao. Mabalin a maipatarus daytoy a kas: “linipat” wenno “saanna nga inkaskaso” (Kitaen: Metaphor)
iti aldaw ti ungetna
Panawen ti sarsaritaen daytoy. Mabalin a maipatarus daytoy a kas: “iti tiempo idi impakitana ti ungetna ... ti tiempo ti ungetna” wenno “iti tiempo a nagtignay isuna iti ungetna ... ti tiempo ti ungetna” (Kitaen: Idiom)
Inalun-on
Sarsaritaen daytoy ti Apo a naan-anay a mangdaddadael kadagiti ili a kasla maysa isuna nga ayup a nangan kadagitoy. Mabalin a maipatarus daytoy a kas: “naan-anay a dinadael” (Kitaen: Metaphor)
kadagiti amin nga ili ni Jacob
Ti “dagiti ili ni Jacob” ditoy ket dagiti kaputotanna ti sarsaritaenna. Mabalin a maipatarus daytoy a kas: “dagiti amin nga ili ti Israel” (Kitaen: Metonymy)
nasarikedkedan a siudad ti anak a babai ti Juda
Dagiti mabalin a kayatna a sawen ket 1) dagiti nasarikedkedan a siudad iti entero a Juda wenno 2) dagiti napalagda a pader ti Jerusalem)