2.0 KiB
Sapasap a Pakaammo:
Nadakamat ti siudad ti Sion a kasla maysa daytoy a babai. Iti libro ti Un-unnoy, ti Sion ken Jerusalem ket nagnagan a maymaysa a siudad ti sarsaritaenna. (Kitaen: Personification)
Nagbasol iti kasta unay ti Jerusalem isu a linalaisda isuna a kas maysa a banag a makarimon
Sarsaritaen daytoy ti Jerusalem a linalaisda iti isu met laeng a wagas a pannakalalais iti maysa a babai no agpadpadara isuna. Segun iti Linteg ni Moises, maibilang a narugit ti maysa a babai bayat iti panagpadpadarana. Mabalin a maipatarus daytoy a kas: “Dagiti basol ti Jerusalem ti namagbalin kenkuana a makarimon ken narugit, ket saan ngarud isuna a maikari iti sangoanan ti Dios” (Kitaen: Simile)
Nagbasol iti kasta unay ti Jerusalem
Iladlawan daytoy ti Jerusalem a kas maysa a babai a nagbasol, kabayatan a dagiti agananaed iti Jerusalem pay ti dakdakamatenna. Mabalin a maipatarus daytoy a kas: “Nagbasol iti nakaro dagiti tattao ti Jerusalem” (Kitaen: Personification and Metonymy)
kinalamo-lamona
Nailadawan ti Jerusalem a kas maysa a babai a naipakita kadagiti amin a tattao dagiti nailemmeng a paset ti bagina tapno ibabain isuna. (Kitaen: Personification)
narugit
Ti tao nga ibilbilang ti Dios a saan a maikari iti naespirituan a wagas wenno natulawan ket nadakamat a kasla narugit ti tao iti napisikalan a wagas. (Kitaen: Metaphor)
Nakaro ti pannakatnagna
Mabalin a maipatarus daytoy a kas: “Nakakaskasdaaw ti pannakatnagna” wenno “Nasdaaw dagiti nakakita iti pannakadadaelna” (Kitaen: Idiom)
Kitaem ti pannakaparigatko
Dagiti mabalin a kayatna a sawen 1) agsasaon a mismo kenni Yahweh ti nangisurat wenno 2) nailadawan ti Jerusalem a kasla maysa tao a makisasao kenni Yahweh. (Kitaen: Personification)
nagbalin a nabileg unay ti kabusor
Kayat a sawen daytoy nga immadu unay ken bimmileg ti armada ti kabusor ket pinarmekna ti Jerusalem. Mabalin a maipatarus daytoy a kas: “pinarmeknak ti armada ti kabusor” (Kitaen: Assumed Knowledge and Implicit Information)