1.4 KiB
Nangidaitak iti nakirsang a lupot iti rabaw ti kudilko
Sarsaritaen ni Job ti pangisuotna iti pagan-anay a naaramid iti nakirsang a lupot a kasla naikabil ti lupot iti bagina. Masansan nga agsuot ti nakirsang a lupot dagiti tattao tapno mangipakita ti panagladingit wenno napalalo a liday. Mabalin nga ipatarus daytoy a kas: “Gapu ta agladladingitak, nagdaitak iti nakirsang a lupot tapno isuot a kas pagan-anayko” wenno “Agsusuotak iti pagan-anay nga inaramidko manipud iti nakirsang a lupot gapu ta agladladingitak” (Kitaen: Metaphor)
Intudokko ti sarak iti rabaw iti daga
Dakdakamaten ti “sara” ni Job ti pannakabalin ken turay nga adda idi kenkuana ngem awanen ita. Mabalin nga ipatarus daytoy a kas: “Agtugawak ditoy rugit, napalalo nga aglidliday” (UDB) (Kitaen: Metaphor)
adda kadagiti kalub ti matak ti aniniwan ni patay
Ditoy, naibagi ti mata ni Job babaen ti “kalub ti matana.” Sarsaritaen ni Job ti nangisit a langa dagiti matana a kasla kasla iti mata ti natay a tao. Mabalin nga ipatarus daytoy a kas: “Adda iti nangisit a timbukel iti aglawlaw dagiti matak” wenno “nangisit ti matak, kas dagiti mata ti natay a tao” (Kitaen: Synecdoche and Metaphor)
awan ti kinaranggas kadagiti imak
Dakdakamaten “dagiti ima” iti kabaelan ken ar-aramiden ti maysa a tao.Mabalin nga ipatarus daytoy a kas: “Saanak a nagtignay a siraranggas” (Kitaen: Metonymy)