1.3 KiB
ket sadino ti ayanna?
Us-usaren ni Job daytoy a saludsod a mangiyunay-unay a no matay ti tao, awan isuna. Sabali a pannakaipatarusna: “ket awan ti makaammo ti ayanna” wenno “ket awanen isuna” (Kitaen: Rhetorical Question)
Kas ti panagawan ti danum iti dan-aw…ken saanen a bumangon manen
Ti kinapudno a saan a malapdan ti patay ket naiyasping iti danum a nagmaga ken saan nga agsubli. (Kitaen: Simile)
kas panagpukaw ken panagmaga ti danum iti karayan
Agiladladawan dagitoy a dua a sasao iti agpada a kapanunotan ken naulit a mangiyunay-unay ti kinapudno nga ti ipapatay ket naituding. (Kitaen: Parallelism)
kasta ti panagidda
Ti panagid-idda ket ibagbagina ti ipapatay. Mabalin nga ipatarus daytoy a kas: “isu a matay dagiti tattao” (Kitaen: Metaphor)
ken saanen a bumangon manen
Ti panagbangon manen ket ibagbagina ti panagbiag manen. Mabalin nga ipatarus daytoy a kas: “ken saanen nga agbiag manen” (Kitaen: Metaphor)
saandanto nga agriing wenno mariing iti pannaturogda
Agpada ti kayat a sawen dagitoy a dua a sasao ken agpada a nausar tapno iyunay-unayna nga ti patay ket saan a malapdan. Ibagbagi ti panagturog iti ipapatay ken ibagbagi ti panagririing ti panagbiag manen. Mabalin nga ipatarus daytoy a kas: “saanto nga agbiag manen dagiti tattao a matay ken agungar manipud ti patay” (Kitaen: Parallelism and Metaphor)