1.6 KiB
Mainayon a palawag ken pakaammo:
Daytoy a bersaikulo ket itultuloyna ti panangiyarig iti nakaro a pungtot ni Yahweh, a kasla la arak manipud iti kopa nga ipapainomna kadagiti tattao kadagiti nasion. (Kitaen: Metaphor)
Ni Yahweh a Mannakabalin-amin ... kastoy ti kunana
Masansan nga aramaten ni Jeremias daytoy a sasao tapno iyam-ammona ti maysa a napateg a mensahe manipud kenni Yahweh. Kitaen no kasanoyo nga impatarus daytoy idiay Jeremias 6:6.
iti sangoanan ti kampilan nga imbaonko kadakayo
Ditoy ti sao a “kampilan” ket ibagbagina ti gubat. Mabalin a maipatarus daytoy a kas iti: “iti sangoanan ti gubat nga intulokko a mapasamak iti ayanyo” (Kitaen: Metonymy)
iti siudad a naawagan babaen iti naganko
Dakdakamaten daytoy ti Jeresulem. Mabalin a maipatarus daytoy a kas iti: “ti siudad nga inawagak babaen iti naganko” wenno “ti Jerusalem nga inawagak babaen iti naganko” (Kitaen: Metonymy)
ken rumbeng kadi a dakayo a mismo ket saan a madusa?
Salsaludsoden daytoy ni Yahweh tapno babalawenna dagiti tattao ken tapno iyunay-unayna a sigurado a dusaenna ida. Mabalin a maipatarus daytoy a kas iti: “isu a saanyo a panunoten a dakayo a mismo ket saan a madusa.” (Kitaen: Rhetorical Question)
mangay-ayabak iti kampilan a maibusor iti amin nga agnanaed iti daga
Ditoy ti sao a “kampilan” ket ibagbagina ti gubat. Sarsaritaen ni Yahweh iti panangiwaragawagna ti gubat a maibusor kadagiti tattao a kasla agay-ayab isuna iti kampilan a maibusor kadakuada. Mabalin a maipatarus daytoy a kas iti: “Mangiyegak iti gubat iti amin nga agnanaed iti daga” (Kitaen: Metonymy and Metaphor)