2.5 KiB
Mainayon a Palawag ken Pakaammo:
Itultuloy ni Jeremias nga ibaga dagiti mensahe ni Yahweh maipapan kadagiti palso a profeta ken kadagiti papadi a nairugi idiay Jeremias 23:9
inturongda dagiti tattaok nga Israel iti nakillo a pagnaan
Ti panangallilaw dagiti palso a profeta kadagiti tattao ket naisao a kasla idaldalanda ida a magna iti saan nga umno a pagnaan. Mabalin a maipatarus daytoy a kas iti: “naallilaw dagiti tattaok, dagiti Israelita” (Kitaen: Metaphor)
Makikamkamalalada
Dagiti mabalin a kaipapananna ket 1) saanda a napudno kadagiti assawada a babbai wenno 2) ti panagdaydayawda kadagiti didiosen ket naisao a kasla iti naespirituan a pannakikamalala .
agbibiagda iti kinamangallilaw
“agbibiagda iti kinaulbod” “kanayonda nga agul-ulbod” (Kitaen: Idiom)
Papigsaenda dagiti im-ima dagiti managdakdakes
Ditoy ti, “dagiti ima” ket dakdakamatenna ti sibubukel a bagi ti tao. Mabalin a maipatarus daytoy a kas iti: “pappapigsaenda dagiti agar-aramid iti dakes” wenno “allukuyenda nga agaramid iti dakes dagiti tattao” (Kitaen: Synecdoche)
awan ti mangtallikod iti kinadakesna
Mabalin a maipatarus daytoy a kas iti: "itultuloyda amin ti agbasbasol"
Nagbalinda amin kaniak a kas iti Sodoma ken … kas iti Gomora
Ti Sodoma ken Gomora ket dagiti siudad a nakaru ti kinadangkesna isu a dinadael ti Dios dagitoy babaen iti apuy manipud langit. Mabalin a maipatarus daytoy a kas iti: “Nagbalinda amin a dakes kas iti Sodoma … kas iti kinadangkes ti Gommora” (Kitaen: Simile)
kastoy iti kuna ni Yahweh a mannakabalin amin
Masansan nga usaren ni Jeremias dagitoy a sasao a mangipakaammo iti napateg a mensahe manipud kenni Yahweh. Kitaen no kasanoyo nga impatarus daytoy a ragup ti sasao idiay Jeremias 6:6.
Kitaenyo
Ditoy, ti sao a “kitaenyo” ket ipakpakaammona iti agbasbasa a denggenna dagiti napapateg a sumaruno a pakaammo.
ngannganin ti panangpakanko kadakuada iti napait a makan ken painumek ida iti danum a makasabidong
Ti “ajenjo” “wormwood” ket mula a nakarkaru ngem paria ti kapaitna ket saan a nasayaat a kanen. Iladladawan dagitoy a sasao ti panangdusa ni Yahweh kadagiti dakes a profeta. No kasano kapait ti “ajenjo” “wormwood” ken ti danum a makasabidong, kasdiayto met iti panangukom ni Yahweh kadagiti dakes a profeta. (Kitaen: Metaphor)
ta manipud kadagiti profeta ti Jerusalem rimmuar ti kinarugit
“aggapu-gapu kadagiti profeta ti kinadakes” (See: Metaphor)
kinarugit
rugit ken saan a nasayaat a banbanag a mangrugit iti angin, danum, wenno daga a pakasarakan kadagitoy