2.2 KiB
Sapasap a Pakaammo:
Kadagitoy a bersikulo, kasarsarita ni Jeremias ni Yahweh maipanggep iti panagsagabana, ket sinungbatan ni Yahweh isuna.
Asi-ak pay, inak
Agpampammarang ni Jeremias a makisao iti inana kas maysa a wagas tapno iyunay-unayna a kasta unay ti lidayna. (Kitaen: Apostrophe)
maysa a lalaki a mannakisusik ken mannakisuppiat
Agpada ti kayat a sawen dagiti sasao a “mannakisusik” ken “mannakisinnuppiat.” Iyunay-unay dagitoy ti pannakisinnuppiat ni Jeremias. Mabalin a maipatarus daytoy a kas iti: “maysa a tao a pakisinsinnuppiatan ti tunggal maysa iti amin a tiempo. (Kitaen: Doublet)
Saanak a nagpautang, wenno awan ti nagpautang kaniak
Dakdakamaten daytoy ti panangipautang ti kuarta kadagiti tattao. Masansan a ti panangpautang iti kuarta ti makagapu nga aga-apa dagiti tattao. Mabalin a maipatarus daytoy a kas iti: “Saanak a nagpautang iti kuarta iti siasinoman wenno saandak a pinautangan ti siasinoman” wenno “Saanko a pinaunget ti siasinoman babaen iti panangipautang wenno panagutang iti kuarta ket kalpasanna, makiapa maipapan iti daytoy. (Kitaen: Assumed Knowledge ken Implicit Information)
Saanka kadi nga ispalen a maipaay iti kinaimbag?
Mabalin a maipatarus daytoy a kas iti: “Siguradoekto nga ispalenka para iti pagsayaatan” (Kitaen: Rhetorical Question)
dagiti kabusormo
Dagitoy dagiti kabusor ni Jeremias a saan nga immanamong kadagiti padtona.
iti tiempo ti kalamidad ken rigat
Ditoy, agpada ti kayat a sawen dagiti sasao a “kalamidad” ken “rigat.” Iyunay-unay dagitoy ti kinakaro iti kalamidad. Mabalin a maipatarus daytoy a kas iti: “iti tiempo ti nakaro a kalamidad” (Kitaen: Doublet)
Adda kadi maysa a makatukkol iti landok? Nangnangruna iti landok a naggapu iti amianan a nalaokan iti gambang?
Kadagitoy a saludsod, sarsaritaen ni Yahweh ti pigsa dagiti kabusor ti Juda a kasla da la landok a nalaokan iti gambang. Mabalin a maipatarus daytoy a kas iti: “Awan ti makaburak iti landok, nangnangruna no kas katibker daytoy ti landok a naggapu iti amianan a nalaokan iti gambang.” Wenno “Ngem ti kabusor ti Juda, a kas katibker iti landok wenno gambang, ket rautendanto ti Juda manipud iti amianan, awanto ti makalapped kadakuada” (Kitaen: Rhetorical Question ken Metaphor)