1.7 KiB
Sapasap a Pakaammo:
Agkarkararag ni Jeremias kenni Yahweh.
nakatakder … iti sangoanak, saankonto latta a paboran dagitoy a tattao
Ipakpakaawat daytoy nga agpakpakaasida kenni Yahweh nga isalakanna dagiti tattao. Mabalin a maipatarus daytoy a kas iti: “agtaktakder iti sangoanak nga agpakpakaasi para kadagitoy a tattao, saanko latta ida a paburan” (Kitaen: Assumed Knowledge ken Implicit Information)
Papanawenyo ida iti sangoanak tapno umadayoda
Inulit-ulit ni Yahweh daytoy a kapanunotan tapno iyunay-unayna ti panangpapanawna kadagiti tattaona. (Kitaen: Parallelism)
ket rumbeng a matay
Sarsaritaen daytoy ti ipapatay a kasla la ti patay ket maysa a lugar a papanan dagiti tattao. Mabalin a maipatarus daytoy a kas iti: “masapul a matay” (Kitaen: Metaphor)
dagiti naituding a matay iti kampilan ket rumbeng a matay iti kampilan
Ditoy, ibagbagi ti sao a “kampilan” ti gubat. Ti kayat a sawen ti “naituding a matay iti kampilan” ket naituding a matay iti gubat. Mabalin a maipatarus daytoy a kas iti: “dagidiay a naituding a matay kadagiti gubat, rumbeng a matay iti gubat” (Kitaen: Metonymy ken Assumed Knowledge ken Implicit Information)
Dagiti naituding a matay iti bisin ket rumbeng a matay iti bisin
Ti kayatna a sawen daytoy ket naituding dagitoy a tattao a matay gapu iti bisin. Sarsaritaen daytoy ti ipapatay babaen iti bisin a kasla la ti “bisin” ket maysa a lugar a papanan dagiti tattao. Mabalin a maipatarus daytoy a kas iti: “Dagidiay a naituding a matay babaen iti bisin ket rumbeng a matay babaen iti bisin” wenno “Dagidiay a naituding a matay babaen iti bisin ket rumbeng a matay babaen iti bisin” (Kitaen: Metaphor ken Assumed Knowledge ken Implicit Information)