1.9 KiB
Sapasap a Pakaammo:
Ti sao ti Dios maipanggep kadagiti kaarruba ti Juda.
'Iti nagan ni Yahweh nga adda iti agnanayon
“Iti nagan ni Yahweh a sibibiag iti agnanayon.” Inusar dagiti tattao daytoy a panangisao tapno ipakita a ti sumaruno nga ibagada ket sigurado a pudno. Maysa daytoy a wagas iti napudno a panagkari. Ti panagsapata babaen iti nagan ni Yahweh saan ket a babaen iti nagan ni Baal ket ipakpakitana a daydayawenda ni Yahweh saan ketdi a ni Baal. Kitaen no kasanoyo nga impatarus daytoy idiay Jeremias 4:2. Mabalin a maipatarus daytoy a kas iti: “Sipupudnoak nga agkari” (Kitaen: Idiom)
maibangondanto iti nagtetengngaan dagiti tattaok
Sarsaritaen daytoy ti irarang-ay dagiti tattao a kaslada la maysa a pasdek a maipatpatakder. Mabalin a maipatarus daytoy a kas iti: “Ipasdekkonto ida iti tengnga dagiti tattaok” wenno “Parang-ayekto ida ket makipagnaeddanto kadagiti tattaok” (Kitaen: Metaphor ken Active wenno Passive)
parutekto ngarud dayta a nasion. Siguradonto a maparut ken madadael daytoy
Sarsaritaen ni Yahweh ti panangpilit kadagiti tattao a pumanaw iti dagada ken panangdadael iti nasionda a kaslada la dagiti mula a parparutenna iti daga. Agpada ti kayat a sawen dagitoy a dua a ragup ti sasao ken mabalin a pagtiponen. Mabalin a maipatarus daytoy a kas iti: “Siguradoek a naan-anaykonto a papanawen ken dadaelen dayta a nasion” (Kitaen: Metaphor ken Parallelism)
Siguradonto a maparut ken madadael daytoy
Mabalin a maipatarus daytoy a kas iti: “Siguradoek maparut ken madadaelekto daytoy” (Kitaen: Active or Passive)
kastoy ti pakaammo ni Yahweh
Sarsaritaen ni Yahweh ti mismo a naganna tapno iyebkasna ti kinapudnol ti ipakpakaammona. Kitaen no kasanoyo nga impatarus daytoy idiay Jeremias 1:8. Mabalin a maipatarus daytoy a kas iti: “Kastoy ti impakaammo ni Yahweh” wenno “kastoy ti impakaammok, Siak a ni Yahweh” (Kitaen: First, Second, or Third Person)