2.2 KiB
Impakaammo ni Yahweh kaniak dagitoy a banbanag, isu a naammoak dagitoy
“Impakaammom kaniak dagiti banbanag isu a naammoak dagitoy.” Dakdakamaten daytoy ti panangipakaammo ni Yahweh kenni Jeremias a pangpanggepen dagiti kabusorna a papatayen isuna.
impakitam kaniak dagiti aramidda
Dakdakamatenna daytoy ti panangipakaammo ni Yahweh kenni Jeremias a pangpanggepen dagiti kabusorna a papatayen isuna. Dinakamatna ditoy a kasla nakita ni Jeremias dagiti tignayda. Mabalin a maipatarus daytoy a kas iti: “impakaammom kaniak dagiti dakes a panggepda” (Kitaen: Metaphor)
Kaiyarigak iti maysa nga urbon a karnero a maiturturong iti pagpartian
Sarsaritaen daytoy ti saan a pannakaammo ni Jeremias iti pangpanggepen dagiti kabusorna a mangpapatay kenkuana babaen iti pannakaiyarigna iti urbon a karnero a maiturturong tapno maparti. (Kitaen: Metaphor)
a maiturturong iti pagpartian
Mabalin a maipatarus daytoy a kas iti: “nga iturturong dagiti kabusorko iti pagpartian” (Kitaen: Active or Passive)
Dadaelentayo ti kayo agraman ti bunga daytoy
Ditoy, sarsaritaen dagiti kabusor ni Jeremias ti panangpatayda kenkuana a kasla la maysa isuna nga agbungbunga a kayo a pangpanggependa a dadaelen. (Kitaen: Metaphor)
Pukanentayo isuna manipud iti daga dagiti nabbiag
Ti kayat a sawen ti ragup ti sasao a “pukanentayo isuna” ket ti pannangpapatay kenkuana. Kasta met a ti dakdakamaten ti “dagiti nabbiag” dagiti nabbiag a tattao. Mabalin a maipatarus daytoy a kas iti: “Patayentayo isuna tapno mapukaw isuna iti daga dagiti sibibiag” wenno “Dadaelentayo isuna tapno mapukaw isuna iti lubong dagiti nabiag a tattao” (Kitaen: Idiom)
saanton a malagip ti naganna
Mabalin a maipatarus daytoy a kas iti: “saanton a malagip pay dagiti tattao ti naganna” (Kitaen: Active or Passive)
iti puso ken panunot
Ti dakdakamaten ti sao a “puso” ket ti marikrikna ken tartarigagayan ti maysa a tao ken ti dakdakamaten ti sao a “panunot” ket dagiti panpanunoten ken pangngeddeng ti maysa a tao. Mabalin a maipatarus daytoy a kas iti: “dagiti marikrikna ken panpanunoten ti maysa a tao” (Kitaen: Metonymy)
Maimatangakto ti panangbalesmo
Mabalin a maipatarus daytoy a kas iti: “Maimatangakto ti panangibalesmo” (Kitaen: Abstract Nouns)