2.3 KiB
Sapasap a Pakaammo
Dagitoy dagiti sasao ni Yahweh.
Kitaen
Us-usaren ni Yahweh daytoy a sao tapno baw-ingenna ti imatang dagiti tattao a dumngegda kadagiti sumaruno nga ibagana. Mabalin a maipatarus daytoy a kas iti: “Dumngeg” wenno “Pudno” (Kitaen: Idiom)
umadanin dagiti aldaw
Mabalin a maipatarus daytoy a kas iti: “addanto tiempo” (Kitaen: Idiom)
kastoy ti pakaammo ni Yahweh
Sasawen ni Yahweh ti mismo naganna tapno iyebkasna ti kinapudno ti ipakpakaammona. Kitaen no kasanoyo nga impatarus daytoy idiay Jeremiah 1:8. Mabalin a maipatarus daytoy a kas iti: “kastoy ti impakaammo ni Yahweh” wenno “Siak a ni Yahweh, ipakpakaammok daytoy” (Kitaen: First, Second, or Third Person)
amin dagiti nakugit laeng iti pisikal a bagida
Dakdakamaten daytoy dagiti tattao ti Isarel a nakitulag kenni Yahweh babaen iti panagkugit iti pisikal a bagida, ngem saanda a binaliwan ti kababalinda babaen iti panangsurot kadagiti lintegna. Mabalin a maipatarus daytoy a kas iti: “amin dagiti tattao a nangbaliw kadagiti bagida babaen iti panangkugit kadakuada, ngem saanda a nagbaliw ti kababalinda wenno kaungganda” (Kitaen: Metaphor)
dagiti amin a tattao a mangpukpukis kadagiti buokda
Mabalin a dadakamaten daytoy dagiti tattao a nangpukis kadagiti buokda tapno padayawan ti didiosen ti pagano. “amin dagiti tattao nga agnanaed kadagiti let-ang.”
Ta amin dagitoy a nasion ket saan a nakugit
Dakdakamaten ti sao a “nasion" dagiti tattao nga agnanaed kadagitoy a lugar. Dagiti ganggannaet a saan a nakugit ket maysa simbolo nga awan nakitulaganda kenni Yahweh. Mabalin a maipatarus daytoy a kas iti: “Ta dagiti tattao kadagitoy a nasion ket saanda a maibilang iti katulagan ni Yahweh babaen iti panagkugit” (Kitaen: Metonymy and Assumed Knowledge and Implicit Information)
amin dagiti balay ti Israel ket addaan iti saan a nakugit a puso
Ibagbagi ti “puso” ti pagayatan ken tarigagay ti maysa a tao. Ibagbagi ti “saan a nakugit a puso” ti kababalin ti maysa a tao a saan a sumursurot kenni Yahweh ken kadagiti lintegna. Kasta met a dakdakamten ti balay dagiti tattao ti Israel. Mabalin a maipatarus daytoy a kas iti: “amin dagiti tattao ket nakugit laeng iti akinruar a bagida ket saanda a binaliwan dagiti pusoda” (Kitaen: Metonymy and Metaphor)