2.1 KiB
Sapasap a Pakaammo
Ditoy, ibagbaga ni Yahweh ti ibaganto dagiti tattao ti Juda inton dadaelenna ti daga.
Ta umay ti patay kadagiti tawatayo … dagiti agtutubo a lallaki kadagiti plasa ti siudad
Idiligto dagiti tattao ti Juda ti patay a kasla maysa a tao nga umuli iti tawa tapno darupen dagiti tattao iti uneg ken darupen dagiti tattao kadagiti palasio, kadagiti kalsada, ken kadagiti plasa ti siudad. (Kitaen: Personification)
dagiti palasio...
Nagarbo a balbalay a pagnanaedan dagiti ari. Umayto ti patay iti nabaknang ken iti napanglaw.
kadagiti plasa ti siudad
“kadagiti disso a paguummongan ti adu a tattao”
Kastoy ti pakaammo ni Yahweh
Sarsaritaen ni Yahweh ti mismo naganna tapno iyebkasna ti kinapudno ti ipakpakaammona. Kitaen no kasanoyo nga impatarus daytoy idiay Jeremiah 1:8. Mabalin a maipatarus daytoy a kas iti: “kastoy ti impakaammo ni Yahweh” wenno “Siak a ni Yahweh, ipakpakaammok daytoy” (Kitaen: First, Second, or Third Person)
ti bangkay dagiti lallaki ket maiwara a kasla rugit … kasla garami a nabati kalpasan dagiti agan-ani
Agpada ti kayat a sawen dagitoy a dua a ragup ti sasao ken iyunay-unay dagitoy ti adu a bilang dagiti bangkay. Mabalin a maipatarus daytoy a kas iti: “maiwarawaranto dagiti bangkay iti entero a lugar” (Kitaen: Parallelism)
dagiti bangkay dagiti lallaki ket maiwara a kasla rugit kadagiti tay-ak
Iladladawan daytoy dagiti adu a bilang dagiti tattao a matayto, babaen iti panangidilig kadagiti bangkayda iti rugit a maiwara kadagiti tay-ak. Mabalin a maipatarus daytoy a kas iti: “maiwaranto iti sadinoman dagiti bangkay a kasla rugit dagiti ayup a maiwara kadagiti tay-ak” (Kitaen: Simile)
kasla garami a nabati kalpasan dagiti agan-ani
Iladladawan daytoy ti adu a bilang dagiti tattao a matayto, babaen iti panagidilig kadagiti bangkayda kadagiti garami. Mabalin a maipatarus daytoy a kas iti: “kasla garami a maiwara iti sadinoman kalpasan a dagitoy ket ginapas dagiti mannalon” (Kitaen: Simile)
awanto ti siasinoman a mangurnong kadakuada
“awanto ti siasinoman a mangurnong kadagiti bangkay”