1.8 KiB
Sapasap a Pakaammo
Itultuloy ni Yahweh ti agsao kenni Jeremias maipapan kadagiti tattao ti Juda.
Tunggal maysa kadakayo
Ti dakdakamaten ti sao a “kadakayo” ket dagiti tattao ti Juda.
agannadkayo iti kaarrubayo ken saankayo nga agtalek iti siasinoman a kabsat
“agannadkayo a saankayo nga agtalek kadagiti padayo nga Israelita, ken saankayo nga agtalek uray iti mismo a kabsatyo”
tunggal kaarruba ket mamarpardaya
Mabalin a maipatarus daytoy a kas iti: “agpipinnardaya ti tunggal agkakaarruba” wenno “tunggal kaarruba ket managpardaya” (Kitaen: Idiom)
Laisen ti tunggal lalaki ti kaarrubana ken saan nga agsao iti pudno
"Amin dagiti tattao ket laisenda ti tunggal maysa, ken saanda nga ibaga ti pudno”
Mangisuro dagiti dilada kadagiti makaallilaw a banbanag
Ditoy, dagiti tattao ket ibagbagi dagiti “dilada” tapno iyunay-unay ti ibalikasda. Mabalin a maipatarus daytoy a kas iti: “Isuroda dagiti makaallilaw a banbanag” (Kitaen: Synecdoche)
Nabannogda manipud iti panagaramid iti nakaro a basol
“Nabannogda unayen iti panagar-aramid kadagiti adu a basol”
Agbibiagka iti tengnga ti panangallilaw
Sarsaritaen ni Yahweh ti pannakipagbibiag kadagiti ulbod a tattao a kasla agbibiag iti tengnga ti panangallilaw. Mabalin a maipatarus daytoy a kas iti: “Agnanaedkayo kadagiti pagnanaedan dagiti naulbod” wenno “Agnanaedkayo iti nagtetengngaan dagiti naulbod” (Kitaen: Metaphor)
iti panangallilawda
“babaen iti panangibagada amin kadagitoy nga inu-ulbod”
kastoy ti pakaammo ni Yahweh
Sarsaritaen ni Yahweh ti mismo a naganna tapno iyebkasna ti kinapudno ti ipakpakaammona. Kitaen no kasanoyo nga impatarus daytoy idiay Jeremiah 1:8. Mabalin a maipatarus daytoy a kas iti: “kastoy ti impakaammo ni Yahweh” wenno “Siak a ni Yahweh, ipakpakaammok daytoy” (Kitaen: First, Second, or Third Person)