2.4 KiB
Sapasap a Pakaammo
Itultuloy da Yahweh ken Jeremias ti agsarsarita maipapan kadagiti tattao ti Juda.
No makapaadda laeng koma ti ulok iti danum, ken agbalin dagiti matak a burayok dagiti lulua
Ni Jeremias pay laeng ti agsasao. Agpada ti kayat a sawen dagitoy dua a ragup ti sasao ken iyunay-unay daytoy no kasano ti panagsangit ni Jeremias. Mabalin a maipatarus daytoy a kas iti: “Makapaaddaak koma iti adu a lulua” (Kitaen: Parallelism and Metaphor)
aldaw ken rabii
Ti kayat a sawen daytoy a ragup ti sasao ket iti amin a tiempo. Mabalin a maipatarus daytoy a kas iti: “iti amin a tiempo” wenno “agtuloy-tuloy” Kitaen: Merism)
anak a babai dagiti tattaok
Ipakpakita ni Yahweh ti ayatna kadagiti tattaona babaen iti panangisasaona kadakuada a kas annakna a babbai. Kitaen no kasanoyo nga impatarus daytoy idiay Jeremiah 4:11. Mabalin a maipatarus daytoy a kas iti: “dagiti tattaok, a kasla annak a babbai ni Yahweh” wenno “dagiti patpatgek a tattaok” (Kitaen: Metaphor)
a napapatay
Mabalin a maipatarus daytoy a kas iti: “a pinapatay dagiti kabusor” (Kitaen: Active or Passive)
No adda laeng koma mangted kaniak
“Adda koma mangted kaniak.” Ni Jeremias pay laeng ti agsasao.
lugar a pagianan dagiti agdaldaliasat idiay let-ang
Dakdakamaten daytoy ti maysa a pasdek para kadagiti tattao nga agdaldaliasat idiay let-ang, a mabalinda a pagsardengan ken pagturogan iti agpatnag.
bunggoy dagiti mangliliput
“bunggoy dagiti tattao a mangliput kadagiti dadduma a tattao”
Imbaga ni Yahweh
Kitaen no kasanoyo nga impatarus ti “kastoy ti pakaammo ni Yahweh" idiay Jeremiah 1:8.
Agibagbagada kadagiti palso a banbanag babaen kadagiti dilada, nga isu dagiti manangallilaw a baida
Ti panangibaga iti inuulbod ket naisao a kas iti ibagbaga dagiti dila dagiti nadangkes. Kasta met a ti panangisao iti inuulbod ket saan a mabalin a babawien, ti panangibaga iti inuulbod ket maiyarig iti panangibiat kadagiti pana. Mabalin a maipatarus daytoy a kas iti: "Dagiti panagul-ulbodda ket maiyarig kadagiti pana nga ibiat dagiti dilada" (Kitaen: Metaphor)
ngem saanda a nabileg iti kinapudno iti rabaw ti daga
Mabalin a maipatarus daytoy a kas iti: “ngem saanda a napudno kenni Yahweh.” (Kitaen: Irony)
Agtultuloy ti panagtignayda iti dinadangkes
Mabalin a maipatarus daytoy a kas iti: “Agtultuloy ti panagar-aramidda kadagiti dakes nga aramid” (Kitaen: Metaphor)