2.6 KiB
ta manipud kanunumoan kadakuada agingga kadagiti katatan-okan
Ipakpakita ti ragup dagiti sasao a “manipud iti kanunumoan agingga kadagiti katatan-okan” nga amin a tattao ti Israel ket mairaman iti ragup dagiti sasao nga “isuda-amin,” ket maibilang no kasano ti kinapategda. Mabalin a maipatarus daytoy a kas iti: “isuda amin, karaman ti kanunumoan, ti kabibilgan, ken tunggal maysa, ket naagum” (Kitaen:Merism)
kanunumoan
Dakdakamaten daytoy dagiti kababassitan ti bilegna ken kababassitan ti pategna a tattao. Mabalin a maipatarus daytoy a kas iti: “dagiti bassit ti bilegda a tattao” (Kitaen:Nominal Adjectives)
katatan-okan
Dakdakamaten daytoy kadagiti kabibilgan ken kapapatgan a tattao. Mabalin a maipatarus daytoy a kas iti: “dagiti katatan-okan a tattao” wenno “ti kabibilgan a tattao” (Kitaen: Nominal Adjectives)
ti tunggal maysa kadakuada
“amin a tattao ti Israel”
manangallilaw ti tunggal maysa kadakuada
“isuda amin ket allilawenda dagiti tattao” wenno “isuda amin ket ulbodda”
Ngem agasanda dagiti sugsugat dagiti tattaok iti parparawpaw
Ti mabalin a kaipapananna dagitoy ket 1) dakdakamaten dagiti sugat dagiti parikut dagiti tattao a kas pagbanagan dagiti basbasolda. Mabalin a maipatarus daytoy a kas iti: “Agtignayda a kas saan a naimpusoan kadagiti parikut dagiti tattaok, a kasla dagiti babassit a sugat” wenno 2) ibagbagi dagiti sugsugat dagiti basbasol dagiti tattao. Mabalin a maipatarus daytoy a kas iti: “Agtignayda a kas saan a naimpusoan dagiti basbasol dagiti tattaok, a kasla kadagiti babassit a sugat” (kitaen: Metaphor)
Agasanda dagiti sugsugat …. parparawpaw
Ditoy, ibagbagi ti sao a “parparawpaw" ti saan a naimpusoan a panangagasda kadagiti sugsugat, a kasla saanda a marigatan. (Kitaen: Metaphor)
Kappia! Kappia! Idinto nga awan iti kappia
“Nasayaat amin, Nasayaat amin,’ idinto a saan a nasayaat”
Nagbainda kadi idi nagaramidda kadagiti makarimon?
Ar-aramaten ti Dios daytoy a saludsod tapno ipakitana ti pungtotna gapu ta saan a nagbain dagiti tattao kadagiti basbasolda. Mabalin a maipatarus daytoy a kas iti: “Nagaramidda kadagiti nakaam-amak a basol, ket saanda a nagbain” (Kitaen: Rhetorical Question)
Isu a matnagdanto a kadua dagiti matnag
Ditoy, ibagbagi ti “matnag” ti pannakapapatay. Mabalin a maipatarus daytoy a kas iti: “mapapataydanto iti tengga dagiti sabali pay a napapatay” (Kitaen: Metaphor)
Kastoy ti kuna ni Yahweh
Mabalin a maipatarus daytoy a kas iti: “Kastoy ti kuna ni Yahweh kadagiti tattao ti Israel” wenno “Kastoy ti kuna ni Yahweh kadagiti tattaona” (Kitaen: Assumed Knowledge and Implicit Information)