3.8 KiB
Sapasap a Pakaammo
Agsasao ni Yahweh.
Birukenyo ti pagtalgedanyo…babaen iti panangpanawyo iti Jerusalem
Ditoy, ibagbagi ti “Birukenyo ti pagtalgedanyo” iti panangaramid iti kabaelanda tapno natalgedda. Mabalin a maipatarus daytoy a kas iti: “Natalgedkayo koma…babaen iti panangpanawyo iti Jerusalem” wenno “Panawanyo ti Jerusalem…tapno natalgedkayo” (Kitaen:Idiom)
tattao ti Benjamin
Kasasao ni Yahweh dagitoy.
Mangpaunikayo iti tangguyob idiay Tekoa
Maar-aramat ti tangguyob a kas panangballaag kadagiti tattao a marautto. Mabalin a maipatarus daytoy a kas iti: “Puyotanyo ti tangguyob idiay Tekoa tapno maballaagan dagiti tattao a marautto ida” (Kitaen: Assumed Knowledge and Implicit Information)
Tekoa
Daytoy ti nagan ti ili nga agarup sangpulo ket walo a kilometro ti kaadayona iti abagatan ti Jerusalem. Ti kayat a sawen daytoy a nagan ket “ti sara a mapuyotan” (Kitaen: How to Translate Names)
Mangipangatokayo iti pagilasinan idiay Bet-Hakerem
Dagiti mabalin a ti kaipapanan dagitoy ket 1) ti pagilasinan ket asuk nga aggapu iti apuy. Mabalin a maipatarus daytoy a kas iti: “Agpuorkayo tapno makaparnuay iti asuk idiay Bet Hakerem tapno maballaagan dagiti tattao maipanggep iti sumungsungad a kabusor” wenno 2) ti pagilasinan ket maysa a bandera. Mabalin a maipatarus daytoy a kas iti: “Mangipangatokayo iti bandera iti ili ti Bet Hakerem tapno maballaagan dagiti tattao maipanggep iti sumungsungad a kabusor”
Bet Hakerem
Ti nagan ti ili nga agarup sangapulo a kilometro ti kaadayuna iti abagatan ti Jerusalem. Ti kayat a sawen dayta a nagan ket “ti lugar a kaubasan”
agparparang ti kinadangkes manipud amianan
Ditoy, ibagbagi ti “kinadangkes” ti didigra ken dagiti tattao a mangparnuay iti daytoy. Mabalin a maipatarus daytoy a kas iti: “umayto dagiti kabusor manipud amianan ket mangparnuayda iti didigra a mapasamak kadakayo’’ wenno “dadaelenakayonto dagiti sumungsungad a kabusor manipud amianan” (Kitaen:Metonymy)
sumungsungaden ti dakkel a pannakadadael
Mabalin a maipatarus daytoy a kas iti: “Umaynakayto rebbaen dagiti kabusoryo” wenno “Umaynakayto dadaelen dagiti kabusoryo” (Kitaen: Assumed Knowledge and Implicit Information)
Ti anak a babai ti Sion, ti napintas ken makaay-ayo a balasang
Ti Sion ket maysa pay a nagan ti Jerusalem. Sarsaritaen ni Yahweh ti Jerusalem a kasla daytoy ket maysa a babai. Sarsaritaenna a kasla anak a babai daytoy tapno ipakitana ti ayatna iti Jerusalem. Mabalin a maipatarus daytoy a kas iti: “Ing-ingungotek a Sion, a kasla napintas ken makaay-ayo a balasang” wenno “Ing-ingungotek a Sion” (Kitaen: Personification)
Mapanto kadakuada dagiti agpaspastor agraman dagiti arbanda
Masansan a madakamat dagiti ari a kas agipaspastor kadagiti tattaoda. Mabalin a maipatarus daytoy a kas iti: “Kumuyogto kadakuada dagiti ari ken dagiti soldadoda” (Kitaen: Metaphor)
agpatakderdanto kadagiti tolda iti aglawlaw daytoy
Ti kayat a sawen ti ragup ti sasao a “maibusor kenkuana” ken “no rauten ti Sion.” Mabalin a maipatarus daytoy a kas iti: “agipatakderdanto kadagiti tolda iti aglawlaw ti Sion tapno rautenda daytoy” (Kitaen: Assumed Knowledge and Implicit Information)
agpastorto ti tunggal tao
Sarsaritaen ti Dios dagiti ari a mangidadaulo kadagiti armadada a mangdadael iti daga, a kasla isuda dagiti agpaspastor a mangidaldalan kadagiti karnero nga agarab. Mabalin a maipatarus daytoy a kas iti: “ kas iti agpaspastor, tunggal ari ket idauloanna ti armadana” wenno “ tunggal ari ket idauloannanto ti armadana” (Kitaen: Metonymy)
iti bukodna nga ima
Ditoy, ibagbagi ti “ima” ti paset ti maysa a banag iti siasinoman a nadutokan a maipaima daytoy kenkuana. Dakdakamaten ditoy ti pannakabingay ti daga a nadutokan a sakupen ti ari. Mabalin a maipatarus daytoy a kas iti: “ken sakupenna ti nabingayna a daga” (Kitaen: Metaphor)