3.5 KiB
Ta adda nadangkes a lallaki a nailaok kadagiti tattaok
Mabalin a maipatarus daytoy a kas iti: “Ta nasarakak kadagiti nadangkes a lallaki a nakikadua kadagiti tattaok” (Kitaen: Active wenno Passive)
Agbanbantayda a kas iti maysa nga agar-arudok nga agtiliw kadagiti billit
Sarsaritaen ti Dios dagiti nadangkes a tattao a kayatda a dangran ti siasinoman a kasla agur-urayda a mangtiliw kadagiti bilbillit. Mabalin a maipatarus daytoy a kas iti: “Kas iti maysa a tao nga aglemlemmeng nga agur-uray a mangtiliw kadagiti bilbillit” (Kitaen: Simile)
mangipakatda iti palab-og ken tiliwenda dagiti tattao
Sarsaritaen ti Dios dagiti nadangkes a tattao a mangigagara a mangdangran kadagiti dadduma a kasla agipakpakatda iti palab-og. Mabalin a maipatarus daytoy a kas iti: “agipakatda kadagiti banbanag tapno mapalab-oganda dagiti tattao” (Kitaen: Metaphor)
Kas iti tangkal a napunno iti bilbillit, napnoan iti panangallilaw dagiti babbalayda
Ditoy, ibagbagi ti “panangallilaw” dagiti banbanag nga innalada babaen ti panangallilaw. Mabalin a maipatarus daytoy a kas iti: Kas iti maysa a tangkal a napunno kadagiti billit a tiniliw ti maysa a mangnganup, napunno met dagiti babbalay dagiti nadangkes a tattao kadagiti banbanag nga innalada babaen ti panangallilawda kadagiti tattao (Kitaen: Simile ken Metonymy)
Isu a dimmakkel ken bimmaknangda
Ditoy, ti sao a “dimmakkel” ket ibagbagina ti kinabileg. Mabalin a maipatarus daytoy a kas iti: “nagbalin a nabileg ken nabaknang dagitoy a nadangkes a tattao” (Kitaen: Metaphor)
uray la simmileng dagiti kudilda
Dagiti mabalin a kaipapananna ket 1) simmeleng dagiti kudilda gapu kadagiti nasustansia a taraon a kankanenda, wenno 2) limmammuyot dagiti bagida gapu kadagiti lasag ken taba iti nagbaetan dagiti tulang ken kudilda. Ipakpakita daytoy a nasayaan dagiti kankanenda.
Limmabesda kadagiti amin a beddeng ti kinadakes
Ti panagar-aramid kadagiti amin a kita ti banbanag a nadangkes ket naisao a kasla adda beddeng a mangisinsina kadagiti sumagmamano a nadangkes a banbanag kadagiti nadangdangkes pay a banbanag . Mabalin a maipatarus daytoy a kas iti: “Ar-aramidenda dagiti amin a kita ti kinadangkes” wenno “Ar-aramidenda pay dagiti kadadangkesan a banbanag” (Kitaen: Metaphor)
Saanda nga ipakaasi ti kalintegan dagiti tattao, wenno ikanawa dagiti ulila
“Saanda nga agpakaasi kadagiti mangiturturay tapno itedda kadagiti tattao ken kadagiti ulila ti kasapulanda” wenno “Saanda nga agpakaasi kadagiti mangiturturay tapno itedda ti hustisia kadagiti tattao ken kadagiti ulila”
saanda nga inikkan iti kalintegan dagiti agkasapulan
‘saanda a tinulongan dagiti agkasapulan babaen ti panangaramidda iti maiparbeng para kadakuada”
Saan kadi a nasken a dusaek ida… ti kastoy a kita ti nasion?
Us-usaren ni Yahweh daytoy a saludsod tapno iyunay-unay a dagiti banbanag nga ar-aramidenda ket dakes unay a saan isuna a rumbeng a masian ngem ketdi dusaennanto ida. Kitaen no kasanoyo nga impatarus ti isu met laeng a salaysay idiay Jeremias 5:9. Mabalin a maipatarus daytoy a kas iti: “Dusaekto ngarud ida , kastoy ti pakaammo ni Yahweh. Awan duadua nga agibalesakto kadakuada.” (Kitaen: Rethorical Question)
Kastoy ti pakaammo ni Yahweh
Sarsaritaen ni Yahweh ti mismo a naganna tapno iyunay-unay ti kinapudno ti ipakpakaammona. Kitaen no kasanoyo nga impatarus daytoy idiay Jeremias 1:8. Mabalin a maipatarus daytoy a kas iti: “kastoy ti impakaammo ni Yahweh” wenno “Siak a ni Yahweh, kastoy ti impakaammok” (Kitaen: First, Second, or Third Person)