2.5 KiB
Mainayon a Palawag ken Pakaammo:
Itultuloy ni Yahweh ti agsao kadagiti tattao ti Israel.
... taguban daytoy. Soldadoda amin
Ditoy, ti ragup ti sasao a “tagubanba daytoy” ket ibagbagina ti kabusor nga armada ti nasion, ken dagiti pana iti taguban ket ibagbagida dagiti sodado iti armada. (Kitaen:Metonymy)
taguban
pagikkan kadagiti pana
Kasla silulukat a tanem ti taguban daytoy
Maysa a silulukat a tanem a naisagana a pakaikabilan kadagiti adu a bangkay. Patayento ti kabusor nga armada ti adu a tattao. Mabalin a maipatarus daytoy a kas iti: “Usarento ti armada ti nasion dagiti panada ket papatayenda dagiti adu a tattao” wenno “Gapu kadagiti pana dagitoy nga armada, adunto a tattao ti matay ken maitabon” (Kitaen: Simile)
Isu a maibusto dagiti apityo, kasta met dagiti annakyo a lallaki ken babbai, ken taraonyo
Ti mabalin a kaipapananna dagitoy ket 1) maibusto dagiti inapitda ken ti taraonda a para kadagiti annakda a lallaki ken babbai. Mabalin a maipatarus daytoy a kas iti: “Isu a maibusto ti apit ken taraonyo a para kadagiti annakyo a lallaki ken babbai” wenno 2) ti apitda, annakda a lallaki ken babbai, ken ti taraonda ket maibusto amin. Mabalin a maipatarus daytoy a kas iti: “Isu a maibusto dagiti apit ken taraonyo, ken mapapatayto dagiti annakyo a lallaki ken babbai” (Kitaen: Metaphor)
Isu a maibusto dagiti apityo
Mabalin a maipatarus daytoy a kas iti: “Kanento ngarud ti armada dayta a nasion dagiti taraon a namnamaenyo nga apiten” (Kitaen: Active wenno Passive)
kasta met dagiti annakyo a lallaki ken babbai, ken ti taraonyo
Dagiti mabalin a kaipapanan daytoy ket 1) kanento dagiti kabusoryo ti taraon a rumbeng koma a kanen dagiti annakyo a lallaki ken babbai, wenno 2) papatayento dagiti kabusor dagiti annak a lallaki ken babbai ken kanenda ti taraon.
kanendanto
Ti sao a "...da.." ket dakdakamatenna ti armada dayta a nasion.
Rebbaendanto babaen iti kampilan dagiti nasarikedkedan a siudadyo
Ti kampilan ket nausar a para kadagiti amin nga igam nga ar-aramaten dagiti tattao iti gubatan. Mabalin a maipatarus daytoy a kas iti: “Aramatendanto dagiti igamda a mangsakup kadagiti natitibker a siudadyo a pagtaltalkanyo a mangsalaknib kadakayo” (Kitaen: Synecdoche)
dagiti nasarikedkedan a siudadyo
Dagiti nasarikedkedan a siudad ket napalawlawan iti pader a mangsalaknib kadagiti tattao iti uneg daytoy manipud kadagiti kabusorda iti ruar.
nga isu a pagtaltalkanyo.
“nga impagarupyo a natibkeren a mangsalaknib kadakayo”