2.2 KiB
Sapasap a Pakaammo:
Masansan nga agisurat ni Jeremias iti padto iti padaniw a wagas. Ar-aramaten ti Hebreo ti panagdaniw iti naduma-duma a “parallelism”. (Kitaen: Poetry ken Parallelism)
Darasenyo a mapan kadagiti kalsada
“Mapankayo a dagos kadagiti kalsada”
Ket kitaenyo ken panunotenyo daytoy
“kitaen ken ammoenyo”
agtigtignay a sililinteg
“nga agar-aramid iti maiparbeng”
Uray no kunada
Dakdakamaten ti sao a “…da” (ibagada) dagiti tattao iti Jerusalem.
Iti nagan ni Yahweh a sibibiag
“iti nagan ni Yahweh nga adda iti agnanayon.” Ar-aramaten dagiti tattao ti kastoy a panangiyebkas tapno ipakitada a ti sumaruno nga ibagada ket pudno. Maysa daytoy a wagas iti panagkari a sipupuso. Kitaen no kasanoyo nga impatarus daytoy idiay Jeremias 4:2. Mabalin a maipatarus daytoy a kas iti: “sipupusoak nga agkari” (Kitaen:Idiom)
saan kadi a kinapudno ti sapsapulen dagiti matam?
Ar-aramaten ni Jeremias daytoy a saludsod tapno iyunay-unay a ti kayat ni Yahweh ket kinapudno. Ti panangkayat iti tao nga agbalin a napudno ket naisao a kasla agsapsapul iti kinapudno. Mabalin a maipatarus daytoy a kas iti: “sapsapulem ti kinapudno.” Wenno “kayatmo nga agbalin a napudno dagiti tattao.” (Kitaen: Rhetorical Question ken Metaphor)
Dinangram dagiti tattao, ngem saanda a makarikna
Dinusa ti Dios dagiti tattaona iti nadumaduma a wagas. Ditoy, naisao a kasla kinabilna ida. Mabalin a maipatarus daytoy a kas iti: “Dinusam dagiti tattao, ngem saanda a mangipangag” (Kitaen: Metaphor)
agkedkedda latta nga umawat iti panangiwanwan
Ditoy, ibagbagi ti “umawat iti panangiwanwan” ti panangbigbig iti pannakaiwanwan tapno aramiden no ania ti maiparbeng. Mabalin a maipratarus daytoy a kas iti: “saanda latta a kayat ti paiwanwan” (Kitaen: Metaphor)
Pagbalbalinenda a natangtangken pay ngem bato dagiti rupada
Ti natangtangken pay ngem bato dagiti rupada ket ibagbagina ti ekspresion ti rupada a mangipakpakita a natangken ti uloda. Ti “simile” ti ”natangtangken pay ngem ti bato” ket ipakpakitana a nakaro ti kinatangken ti ulo dagiti tattao. Mabalin a maipatarus a kas iti: “Nakaro unay ti kinatangken ti uloda” (Kitaen: Metonymy ken Simile)