2.1 KiB
Kitaenyo, ruma-ut isuna a kasla ulep
Ti dakdakamaten ti sao nga “isuna” ket ti kabusor nga ari ken ti armadana. Naisao ti kaadu ti armada a kasla da kadagiti napuskol nga ul-ulep. Mabalin a maipatarus daytoy a kas iti: “Adtoy, naguummong a rumaut dagiti adu nga armada a kas iti napuskol nga ulep” wenno “Adtoy, naguummong dagiti adu nga armada a rumaut” (Kitaen: Simile)
ken kasla bagyo dagiti karwahena
Naibaga a kasla bagyo dagiti karuahe dagiti kabusor. Mabalin a naungor, makadadael, ken napartak nga aggaraw ti bagyo. Mabalin a maipatarus daytoy a kas iti: “ti daranudor dagiti karuaheda ket kasla naulpit a bagyo” (Kitaen: Simile)
Asitayo pay
“Nakaam-amak daytoy”
ta madadaeltayonto
Mabalin a maipatarus daytoy a kas iti: “ta dadaelendatayonto amin” (Kitaen: Active wenno Passive)
O Jerusalem, dalusanyo dagiti pusoyo manipud iti kinadangkes
Ballaag daytoy kadagiti tattao idiay Jerusalem tapno agbabawida. Ti “dalusanyo dagiti pusoyo” ket ti panangikkat kadagiti dakes nga aramid manipud kadagiti panagbiagda. Mabalin a maipatarus daytoy a kas iti: “Tattao ti Jerusalem, isardengyo ti kinadakes” wenno “Tattao ti Jerusalem, isardengyo ti agbiag iti kinadangkes” (Kitaen; Metaphor)
Kaanonto pay ti panagsardengyo iti panangpanpanunotyo no kasano ti agbasol?
Naaramat daytoy a saludsod a mangtubngar kadagiti tattao a kanayon nga agpangpanggep no kasano ti agbasol. Mabalin a maipatarus daytoy a kas iti: “Kankanayon a panpanunotenyo no kasano ti agbasol!” (Kitaen: Rhetorical Question)
timek a mangiyeg iti damag manipud Dan
Ditoy, ti ibagbagi ti “timek” ket ti mensahero. Mabalin a maipatarus daytoy a kas iti: “um-umay ti mensahero ket ibagbagana ti maipanggep iti mapaspasamak idiay Dan” ( Kitaen: Synecdoche)
Dan
Mabalin a dakdakamatenna daytoy dagiti rehion ti Dan, nga adda iti laud ti Jerusalem.
ken mangngeg ti um-umay a didigra manipud kadagiti kabanbantayan ti Efraim
Mabalin a maipatarus daytoy a kas iti: “mangngeg dagiti tattao ti sumungsungad a didigra manipud Efraim” (Kitaen: Active wenno Pasive)