37 lines
2.6 KiB
Markdown
37 lines
2.6 KiB
Markdown
# Ulbod laeng ti agtaud kadagiti turod
|
|
|
|
Ditoy, ti ragup ti sasao a “kadagiti turod” ket ibagbagina dagiti tattao nga agdaydayaw kadagiti didiosen kadagiti tapaw dagiti turod. Mabigbig ita dagiti tattao a saan ida a maidalan ken matulongan dagiti didiosen. Mabalin a maipatarus daytoy a kas iti: “Saannatayo a maidalan dagiti didiosen a daydayawentayo kadagiti turod” (Kitaen: Metonymy)
|
|
|
|
# manipud kadagiti adu a bantay
|
|
|
|
Agariwawa iti kasta unay dagiti tattao inton agdaydayawda kadagiti didiosen kadagiti tapaw dagiti turod ken kadagiti bantay. Mabalin a maipatarus daytoy a kas iti: “Nagar-ariwawakami kadagiti tapaw ti bantay kabayatan ti panagdaydayawmi kadakuada, ngem saandakami a natulongan” (Kitaen: Assumed Knowledge ken Implicit Information)
|
|
|
|
# Pudno a ti pannakaisalakan ti Israel ket adda laeng kenni Yahweh a Diostayo
|
|
|
|
“awan duadua a ni Yahweh a Diostayo ti manangisalakan iti Israel” wenno “awan duadua a ni laeng Yahweh a Diostayo ti makaisalakan iti Israel”
|
|
|
|
# inalun-onda dagiti nagbannogan dagiti kapuonantayo
|
|
|
|
Ibagbagi daytoy ti pannakapukaw dagiti tattao ti Israel kadagiti adu a sanikuada gapu ta indatonda dagitoy kadagiti didiosen. (Kitaen: Metaphor)
|
|
|
|
# dagiti arban iti karnero ken bakada, dagiti annakda a lallaki ken babbai
|
|
|
|
Listaan daytoy dagiti ayup ken tattao a pinatay dagiti tattao ti Israel sada indaton kadagiti didiosen.
|
|
|
|
# Agiddatayo a sibabain. Abbongannatayo koma ti pannakaibabaintayo
|
|
|
|
Agpada ti kaipapanan dagitoy a ragup ti sasao ken iyunay-unay dagitoy a naan-anay nga ammo dagiti tattao ti nakababain a kababalinda. Mabalin a maipatarus daytoy a kas iti: “Agbaintayo iti kasta unay” (Kitaen: Parallelism)
|
|
|
|
# Abbongannatayo koma ti pannakaibabaintayo
|
|
|
|
Ti naan-anay a pannakaammoda iti basbasolda ket nadakamat a kasla ules wenno kagay ti pannakaibabain a mangab-abbong kadakuada (Kitaen: Metaphor)
|
|
|
|
# manipud idi tiempo ti kinaagtutubotayo
|
|
|
|
Dagiti mabalin a kaipapananna ket 1) ti ragup ti sasao nga “iti tiempo ti kinaagtutubotayo” ket dakdakamatenna idi agtutubo ti tunggal maysa kadakuada. Mabalin a maipatarus daytoy a kas iti: “manipud idi agtutubotayo” wenno 2) ti ragup ti sasao nga “iti tiempo ti kinaagtutubotayo” ket dakdakamatenna idi mangrugrugi nga agbalbalin a nasion ti Israel. Mabalin a maipatarus daytoy a kas iti: “manipud idi mangrugrugi nga agbalbalintayo a nasion” (Kitaen: Metaphor)
|
|
|
|
# saantayo a dimngeg iti timek ni Yahweh
|
|
|
|
Ditoy, ibagbagi ti sao nga “impangag” ti panagtulnog, ken ibagbagi ti ragup ti sasao a “ti timek ni Yahweh” ti imbaga ni Yahweh. Mabalin a maipatarus daytoy a kas: “saantayo a nagtulnog iti imbaga ni Yahweh a Diostayo” (Kitaen: Metonymy)
|
|
|