1.5 KiB
Daytoy ti trono ni Yahweh
Ditoy, ibagbagi ti ragup ti sasao a “trono ni Yahweh” ti lugar a pagturturayan ni Yahweh. Mabalin a maipatarus daytoy a kas iti: “Ditoy ti pagturturayan ni Yahweh” (Kitaen: Metonymy)
Saandanton nga aramiden dagiti dakes a tartarigagayanda
Mabalin a maipatarus daytoy a kas iti: “Saandanton a pulos nga aramiden dagiti nadangkes a banbanag a kayatda nga aramiden” (Kitaen: Metaphor ken Metonymy)
makipagkaykaysanto ti balay ti Juda iti balay ti Israel
Mabalin a maipatarus daytoy a kas iti: “agkaykaysanto dagiti tattao ti Juda ken dagiti tattao ti Israel” (Kitaen: Metaphor)
balay ti Juda
Ti sao a “balay” ket dakdakamatenna ti pamilia nga agnanaed iti balay. Iti daytoy a paset ket dakdakamatenna ti pagarian ti Juda a pakairamanan dagiti kaputotan ti Juda ken Benjamin. Mabalin a maipatarus daytoy a kas iti: “Juda” wenno “ti pagarian ti Juda” wenno “dagiti tattao ti Juda” (Kitaen: Metonymy)
balay ti Israel
Ti sao a “balay” ket dakdakamatenna ti pamilia nga agnanaed iti balay. Iti daytoy a paset ket dakdakamatenna ti pagarian ti Israel. Mabalin a maipatarus daytoy a kas iti: “Israel” wenno “ti pagarian ti Israel” wenno “dagiti tattao ti Israel” (Kitaen: Metonymy)
iti daga nga intedko a kas tawid dagiti kapuonanyo
Sarsaritaen ti Dios ti pannangtedna kadakuada iti daga a tagikuaenda iti agnanayon a kasla daytoy ket tawid. Mabalin a maipatarus daytoy a kas iti: “ti daga nga intedko kadagiti kapuonanyo a kukuanto iti agnanayon dagiti kaputotanda” (Kitaen: Metaphor)