2.7 KiB
balay ti Israel
Ti sao a “balay” ket dakdakamatenna ti pamilia nga agnanaed iti balay. Iti daytoy a saritaan, dakdakamaten daytoy dagiti kaputotan ti Israel. Kitaen no kasanoyo nga impatarus daytoy idiay Jeremias 2:4. Mabalin a maipatarus daytoy a kas iti: “dagiti Israelita” wenno “ti bunggoy dagiti Israelita” (Kitaen: Metonymy)
no kasta a matakuatan isuna
Ti kayat a sawen daytoy ket adda nakatakuat kadagiti saan a nasayaat nga aramid ti maysa a tao. Mabalin a maipatarus daytoy a kas iti: “inton adda makatakuat kenkuana” wenno “inton maammoan dagiti tattao a nagtakaw isuna” (Kitaen: Idiom ken Active or Passive)
isuda, dagiti arida, dagiti prinsipeda, ken dagiti papadi ken profetada
Ipakpakita dagitoy a ragup ti sasao a maibabainto dagiti amin a naibilang iti Israel.
Isuda dagiti nangibaga iti kayo, 'Sika ti amak,' ken iti bato, 'Impasngaynak.'
Ditoy, dagiti sasao a “kayo” ken “bato” ket ibagbagi dagitoy dagiti didiosen a naaramid manipud iti kayo ken bato. Iyunay-unay dagitoy a sasao a saan a maikari a dayawen dagiti didiosen a naaramid manipud kadagiti gagangay a banbanag. Mabalin a maipatarus daytoy a kas iti: “Dagitoy dagiti tattao a nangibaga iti nakitikitan a kayo, ‘Sika ti amak,’ ken iti nakitikitan a bato, ‘Sika ti nangipasngay kaniak.’ ” (Kitaen: Metonymy)
ti likudda ti nakasango kaniak ket saan a dagiti rupada
Ibagbagi daytoy a ragup ti sasao ti pananglaksidda iti Dios. Mabalin a maipatarus daytoy a kas iti: “tinallikudandak” wenno “namimpinsan a linaksiddak” (Kitaen: Metaphor)
Tumakderka ket isalakannakami!
“O Yahweh, umaynakami isalakan” (Kitaen: Assumed Knowledge and Implicit Information)
Ngem sadino ti ayan dagiti didiosen nga inaramidmo para kenka?
Babaen iti daytoy a saludsod, ibagbaga ti Dios a rumbeng a kadagiti didiosen a daydayawenda ti dumawatan dagiti tattao iti tulong. Imbagana daytoy tapno ipakitana nga agung-unget isuna ta agdaydayawda kadagiti didiosen. Mabalin a maipatarus daytoy a kas iti: “Rumbeng a dagiti didiosenyo ti dumawatanyo iti tulong.” Wenno “Saanmo a dinawat kadagiti didiosen nga inaramidmo a tulongannaka.” (Kitaen: Rhetorical Question ken Irony)
Tumakderda koma ngarud a no tarigagayda nga isalakandaka kadagiti tiempo a mariribukanka
Ibagbaga ti Dios a dagiti didiosen ti rumbeng a tumulong kadagiti tattao nga agdaydayaw kadakuada. Ammo ti Dios a saan a matulongan dagiti didiosen dagiti tattao. Imbagana daytoy tapno ipakitana nga agung-unget isuna ta nagdaydayaw dagiti tattaona kadagiti didiosen. Mabalin a maipatarus daytoy a kas iti: “Saanka a nagpatulong kadakuada gapu ta ammom a saandaka a maisalakan kadagiti tiempo a mariribukanka” (Kitaenyo: Irony)