2.6 KiB
Kasano a maibagam, 'Saanak a natulawan! Saanak a nagdayaw kadagiti Baal?'
Us-usaren ti Dios daytoy a saludsod tapno tubngarenna dagiti tattaona gapu iti panangibagbagada a saanda a nagdaydayaw kadagiti Baal. Mabalin a maipatarus daytoy a kas iti: ”Agul-ulbodka idi kinunam, ‘Saanak a simmurot kadagiti Baal.’ (Kitaen: Rhetorical Question)
sika a napartak a kamelio a taray a taray!
Sarsaritaen ti Dios ti Israel nga agdaydayaw kadagiti didiosen a kasda la iti kabaian a kamelio a taray a taray nga agbirbirok iti kalakian a kamelio a mangmaya kenkuana. Mabalin a maipatarus daytoy a kas iti: “Kaslaka la iti napartak a kamelio a taray a taray nga agbirbirok iti kalakian a kamelio a mangmaya kenkuana” (Kitaen: Metaphor)
Naatapka nga asno, a naruam iti let-ang, agtartarigagay iti biag ken agal-al-al iti awan serserbina nga angin!
Sarsaritaen ti Dios ti Israel nga agdaydayaw kadagiti didiosen a kasda la atap a kabaian nga asno a taray a taray nga agbirbirok iti kalakian nga asno. Mabalin a maipatarus daytoy a kas iti: “Kaska la iti bumalasang nga asno nga agnanaed iti disierto. Inton agmaya, saanna a malapdan ti bagina ken umanangot nga agbirbirok iti mangmaya kenkuana” (Kitaen: Metaphor)
inton agmaya
Dakdakamaten daytoy ti tiempo nga agmaya ti kabaian nga asno.
Siasino ti makapasardeng iti daytoy inton agmaya?
Nasaludsod daytoy tapno maiyunay-unay nga awan ti makalapped iti kabaian nga asno inton agmaya isuna. Mabalin a maipatarus daytoy a kas iti: “Awan ti makalapped iti daytoy inton agmaya.” (Kitaen: Rhetorical Question)
Masapul a lappedam dagiti sakam nga agsakasaka ken ti karabukobmo iti pannakawaw!
Sarsaritaen ti Dios ti Israel a kayatna ti agdaydayaw kadagiti didiosen a kasla da la taray a taray iti disierto a mangsapsapul kadagidiay a didiosen. Mabalin a maipatarus daytoy a kas iti: “Imbagak kenka nga agsardengka a taray a taray a mangkamkamat kadagiti didiosen, gapu ta pagdaanen laeng ti panagtaraytaraymo dagiti sandaliasmo ken mawawka iti kasta unay” (Kitaen: Metaphor)
Awan namnama!
“Awan namnamatayo a malappedantayo dagiti bagbagitayo.” Ipalpalawag daytoy a saanda a malappedan dagiti bagbagida iti panangkamkamatda kadagiti didiosen. Mabalin a maipatarus daytoy a kas iti: “Saanmi a malappedan dagiti bagbagimi” (Kitaen: Assumed Knowledge and Implicit Information)
Saan, pagaayatko dagiti ganggannaet ket surotek ida!
Ditoy, ti sao a “ganggannaet” ket ibagbagina dagiti didiosen, ken ti ragup ti sasao a “surotek ida” ket ibagbagina ti panagdaydayaw kadakuada. Mabalin a maipatarus daytoy a kas iti: “Masapul a surotenmi dagiti ganggannaet a didiosen ken agdaydayawkami kadakuada!” (Kitaen: Metaphor)