2.9 KiB
dinadaelko ti sangol nga adda kenka idi un-unana nga al-aldaw; pinugsatko dagiti kawarmo. Ngem kinunam latta, 'Saanak nga agserbi!
Ditoy, ti ragup ti sasao a “dinadaelko ti sangol nga adda kenka” ken “pinugsatko dagiti kawarmo” ket dakdakamatenna ti pannakawayawayada manipud iti pannakatagabuda. Natagabu dagiti tattao ti Israel idiay Egipto. Mabalin a maipatarus daytoy a kas iti: “Idi un-unana a panawen, winayawayaanka iti pannakatagabum, ngem nagkedkedka latta nga agdayaw kaniak!” (Kitaen: Metaphor)
kawarmo
“dagitoy ket kawar a panggalut iti maysa a tao wenno maysa nga ayup”
agsipud ta nagrukbabka iti tunggal nangato a turod ken iti sirok ti tunggal nalangto a kayo, sika a mannakikamalala
Ditoy, ti sao a ‘‘mannakikamalala’’ ket maipapan iti maysa a tao a saan a napudno iti Dios. Mabalin a maipatarus daytoy a kas iti: “Kas iti mannakikamalala a babai a saan a napudno iti asawana, nagrukbabka kadagiti didiosen ken nagdaydayawka kadakuada imbes a siak ti dayawem” (Kitaen: Metaphor)
nangimula kenka a kas iti napili nga ubas, a naan-anay a pudno a bukel
Sarsaritaen ti Dios ti panangaramidna kadagiti tattaona a naindaklan a nasion idiay Canaan a kasla isuda ti bukel ti kayo nga ubas nga inmulana. Mabalin a maipatarus daytoy a kas iti: “Siak, a ni Yahweh, inrugika iti nasayaat unay a panangrugi, a kasla iti mannalon nga agimulmula iti kasayaatan a bukel tapno ti maimulana ket ti kasayaatan a kita ti ubas” (Kitaen: Metaphor)
napili nga ubas
“nasayaat unay a kita ti ubas”
naan-anay a pudno a bukel
Ditoy, ti ragup ti sasao a “pudno a bukel” ket ti kasayaatan a bukel a saan a nalaokan iti bukel a saan a nasayaat. Mabalin a maipatarus daytoy a kas iti: “kasayaatan a bukel a nagtubo”
Ngem anian ta nagbalbaliwka kaniak, kasla ka la maysa a saan a napudno a nagtaud iti barang nga ubas
Us-usaren ti Dios daytoy a saludsod a mangtubngar kadagiti tattaona gapu iti panagbalbaliw ken panagbalinda a kasla nadadael nga ubas nga awan serserbina. Mabalin a maipatarus daytoy a kas iti: “Ngem nagbaliwka, a kas iti nadadael ken awan serserbina nga ubas!” (Kitaen: Rhetorical Question)
ti basolmo ket mansa latta iti sangoanak
Ti maysa a banag a saan a maikari iti Dios ket nadakamat a narugit. Ditoy, ti sao a “mansa” ket ibagbagina ti agtultuloy a pannakalaglagip iti basol ti Israel. Mabalin a maipatarus daytoy a kas iti: “Makitak ti basolmo a kasla iti mansa” wenno “kasla mansa ti basolmo; sibabasolka latta” (Kitaen: Metaphor)
kastoy ti pakaammo ti Apo a ni Yahweh
Sarsaritaen a mismo ni Yahweh ti naganna tapno iyebkasna ti kinasigurado ti ipakpakaammona. Kitaen no kasanoyo nga impatarus ti kapada a ragup ti sasao idiay Jeremias 1:8. Mabalin a maipatarus daytoy a kas iti: “kastoy ti impakaammo ti Apo a ni Yahweh” wenno “kastoy ti impakaammok, Siak, nga Apo a ni Yahweh” (Kitaen: First, Second, or Third Person)