2.7 KiB
Tagabu kadi ni Israel? Saan kadi a naipasngay isuna iti pagtaengan? Apay ngarud a nagbalin isuna a samsam?
Mabalin a maipatarus daytoy a kas iti: “Israel, tagabuka kadi? Naiyanakka kadi iti pagtaengan? Apay ngarud a nagbalinka a samsam?” (Kitaen: First, Second, or Third Person)
Tagabu kadi ni Israel? Saan kadi a naipasngay isuna iti pagtaengan?
Us-usaren ni Yahweh dagitoy a saludsod tapno ibagana no apay a saan a rumbeng a nagbalin a samsam ti Israel. Mabalin a maipatarus daytoy a kas iti: “Saan a tagabu ti Israel. Saan a nayanak ti Israel iti pagtaengan.” (Kitaen: Rhetorical Question)
Apay ngarud a nagbalin isuna a samsam?
Us-usaren ni Yahweh daytoy a saludsod tapno ipakitana a saan a rumbeng a nagbalin a samsam ti Israel. Mabalin a maipatarus daytoy a kas iti: “Isu a rumbeng a saan a nagbalin isuna a samsam” (Kitaen: Rhetorical Question) Ditoy, ti ragup ti sasao a “nagbalin a samsam” ket ibagbagina ti pannakaraut ken pannakaipanaw a kas balud a maipan iti sabali a pagilian. Mabalin a maipatarus daytoy a kas iti: “Isu nga apay a naipanaw ti Israel a kas balud” wenno “Isu nga apay a ti Israel ket impanaw dagiti kabusorda a kas balud” (Kitaen: Metaphor)
Nagngernger dagiti urbon a leon kenkuana. Nagariwawada iti kasta unay
Sarsaritaen ti Dios ti panangraraut dagiti kabusor iti Israel a kasla dagiti kabusorda ket leon nga agngerngernger a rumaraut iti Israel. (Kitaen: Metaphor)
pinagbalinda a nakabutbuteng ti dagana
Ibagbagi daytoy ti panangdadael iti daga iti wagas nga inton makita daytoy dagiti tattao ket agbutengda. Mabalin a maipatarus daytoy a kas iti: “dinadaelda ti daga ti Israel” (Kitaen: Metonymy)
Nagngernger dagiti urbon a leon
Ti ngernger ket ti napigsa a panaguni dagiti ayup kabayatan a dumardarupda.
Nadadael dagiti siudadna ket awan ti agnanaed
Mabalin a maipatarus daytoy a kas iti: “Dinadaelda dagiti siudad ti Israel ket ita awanen ti agnanaed kadagitoy” (Kitaen: Active or Passive)
agnanaed
Tattao nga agnanaed iti maysa a lugar
Memfis ken Tafnes
Dagitoy ket nagan ti dua a siudad idiay Egipto. (Kitaen: How to Translate Names)
kinalboandaka
Kinuskusan dagiti taga-Egipto dagiti ulo dagiti tagabuda tapno markaanda ida a kas tagabu. Dagiti dadduma a patarus ket impatarusda ti Hebreona daytoy a teksto a kas, “binurakda ti ulom.”
Saan kadi a sika met laeng ti nangaramid iti daytoy iti bagim idi immadayoka kenni Yahweh a Diosmo, kabayatan nga idaldalannaka?
Us-usaren ni Yahweh daytoy a saludsod tapno ipalagipna iti Israel a basolda met laeng no apay a rinaut ida dagiti kabusorda. Mabalin a maipatarus daytoy a kas iti: “Inaramidyo daytoy kadagiti bagbagiyo gapu iti panangpanawyo kenni Yahweh a Diosyo kabayatan nga idaldalannakayo.” (Kitaen: Rhetorical Question)