3.2 KiB
balay ni Jacob ken tunggal pamilia iti balay ti Israel
Ti ‘'Jacob ken Israel'’ ket dua a nagan ti maymaysa a tao, ken maymaysa a bunggoy dagiti tattao ti dakdakamaten dagitoy a ragup ti sasao. Mabalin a maipatarus daytoy a kas iti: “dakayo amin a kaputotan ni Jacob” (Kitaen: Parallelism)
balay ni Jacob
Ti sao a “balay” ket dakdakamatenna ti pamilia nga agnanaed iti balay. Iti daytoy a paset, dakdakamaten daytoy dagiti kaputotan ni Jacob. Mabalin a maipatarus daytoy a kas iti: “dagiti kaputotan ni Jacob” (Kitaen: Metonymy)
balay ti Israel
Ti sao a “balay” ket dakdakamatenna ti pamilia nga agnanaed iti balay. Iti daytoy a paset, dakdakamaten daytoy dagiti kaputotan ni Israel. Mabalin a maipatarus daytoy a kas iti: “dagiti Israelita” wenno “ti bunggoy dagiti Israelita” (Kitaen: Metonymy)
Ania aya ti biddut a nasarakan dagiti ammayo kaniak, ta immadayoda iti panangsurotda kaniak? Ta sinurotda dagiti awan serserbina a didiosen ket nagbalinda met nga awan serserbina?
Us-usaren ni Yahweh dagitoy a saludsod tapno ibagana nga agsipud ta awan ti biddut nga inaramidna, rumbeng koma a saan isuna a linaksid dagiti tattaona ken rumbeng koma a saanda a nagdaydayaw kadagiti didiosen. Mabalin a maipatarus daytoy a kas iti: “Awan ti biddut nga inaramidko kadagiti ammayo, tapno saandak a suroten, ken saanda a dinaydayaw dagiti awan serserbina a didiosen. Gapu iti dayta nga inaramidda, isuda a mismo ket nagbalin nga awan serserbina!” (Kitaen: Rhetorical Question)
immadayoda iti panangsurotda kaniak
Ibagbagi daytoy a ragup ti sasao ti panangilaksid iti Dios ken ti saan a panagbalin a napudno kenkuana. Mabalin a maipatarus daytoy a kas iti: “linaksiddak” (Kitaen: Metaphor)
sinurotda dagiti awan serserbina a didiosen
Ibagbagi daytoy ti panangpili iti panagbalin a napudno kadagiti didiosen ken ti panangdaydayaw kadagitoy. Mabalin a maipatarus daytoy a kas iti: “nagdaydayawda kadagiti awan serserbina a didiosen” (Kitaen: Metaphor)
awan serserbina
“awan pategna”
Saanda man laeng a sinaludsod
Mabalin a maipatarus daytoy a kas iti: “Rumbeng koma nga imbagada” (Kitaen: Assumed Knowledge and Implicit Information)
Sadino ti ayan ni Yahweh, a nangiruar kadatayo iti daga ti Egipto?
Naisaludsod daytoy tapno maipakita a kasapulan dagiti tattao ni Yahweh. Mabalin a maipatarus daytoy a kas iti: “Kasapulantayo ni Yahweh. Isuna ti nangiruar kadatayo … idiay Egipto.” (Kitaen: Rhetorical Question)
Sadino ti ayan ni Yahweh, a nangidalan kadatayo idiay let-ang, iti daga ti Araba, iti abut iti daga a namaga ken kasta unay ti kinasipngetna, daga nga awan iti lumablabas ken awan iti agnanaed?
Naisaludsod daytoy tapno maipakita a kasapulan dagiti tattao ni Yahweh. Mabalin a maipatarus daytoy a kas iti: “Kasapulantayo ni Yahweh. Isuna ti nangidaulo kadatayo … agnanaed.” (Kitaen: Rhetorical Question)
iti abut iti daga a namaga ken kasta unay ti kinasipngetna
Ti ragup ti sasao a “daga a namaga” ket dakdakamatenna ti daga nga awan ti umdas a danum. Ditoy, ti “kasta unay ti kinasipngetna” ket dakdakamatenna ti peggad. Mabalin a maipatarus daytoy a kas iti: “nakabutbuteng a daga nga awan ti umdas a danum” (Kitaen: Metaphor)