2.2 KiB
Nangaramid ni Gideon iti efod manipud kadagiti aritos
“Inusar ni Gideon ti balitok manipud kadagiti aritos tapno mangaramid iti efod”
Ofra
Ipatarusyo daytoy a kas iti inaramidyo idiay 6:11.
nagbalangkantis dagiti amin nga Israel babaen iti panagdaydayawda iti daytoy sadiay
Dakdakamaten daytoy ti panagdaydayaw iti didiosen a kasla maysa daytoy a panagbalangkantis. Mabalin a maipatarus daytoy a kas: "nagbasol dagiti Israelita kenni Yahweh babaen iti panagdaydayawda iti efod sadiay” (Kitaen: Metaphor)
Dagiti amin nga Israel
Ditoy, iyunay-unay ti sao nga “amin” a nakaad-adu ti nangdayaw iti lupot. Mabalin a maipatarus daytoy a kas: “nakaad-adu a tattao iti Israel ti nangdaydayaw iti lupot” (Kitaen: Hyperbole)
Nagbalin daytoy a palab-og para kenni Gideon ken kadagiti adda iti balayna
Maipapan daytoy kenni Gideon ken ti pamiliana a nasulisog nga agdayaw iti efod a kasla maysa a palab-og iti mangnganup ti efod a mangsilo kadakuada. Mabalin a maipatarus daytoy a kas: “nagbalin daytoy a pakasulisogan para kenni Gideon ken iti pamiliana” wenno “nagbasol ni Gideon ken ti pamiliana babaen iti panagdaydayawda iti daytoy” (Kitaen: Metaphor)
kadagiti adda iti balayna
Ditoy, ibagbagi ti “iti balayna” ti pamilia ni Gideon. Mabalin a maipatarus daytoy a kas: “para iti pamiliana” (Kitaen: Metonymy)
Naparmek ngarud ti Midian iti sangoanan dagiti tattao ti Israel
Mabalin a maipatarus daytoy a kas: “Pinarmek ngarud ni Yahweh dagiti Midianita iti sangoanan dagiti tattao ti Irael” wenno “Tinulongan ngarud ni Yahweh dagiti Israelita a mangparmek kadagiti Midianita” (Kitaen: Active wenno Passive)
saandan nga inngato manen dagiti uloda
Mabalin a maipatarus daytoy a kas: “saandan a rinaut manen ti Israel” (Kitaen: Idiom)
Ket adda kappia iti daga
Ditoy, ibagbagi ti “daga” dagiti tattao ti Israel. Mabalin a maipatarus daytoy a kas: “Sikakappia a nagnaed dagiti Israelita” (Kitaen: Metonymy)
kadagiti al-aldaw ni Gideon
Ditoy, dakdakamaten dagiti sao a “kadagiti al-aldaw” ti las-ud ti panagbiagna. Mabalin a maipatarus daytoy a kas: “kabayatan ti panagbiag ni Gideon” (Kitaen: Metonymy)
:ilo:bible:questions:comprehension:jdg:08
:ilo:bible:questions:comprehension:jdg:08