2.0 KiB
ti nagan ni Yahweh … kas iti mangikisap nga apuy
Ni Yahweh a kasta unay ti pungtotna ket naibaga a kasla isuna ket dakkel nga apuy. (Kitaen: Metaphor)
ti nagan ni Yahweh ket umay
Ditoy, ti “nagan” ket ibagbagina ni Yahweh. Mabalin a maipatarus a kas iti: “umay ni Yahweh” (Kitaen: Metonymy)
Napno dagiti bibigna iti pungtot, ken ti dilana ket kas iti mangikisap nga apuy
Ditoy, ti “dagiti bibig” ken “dila” ket “metonyms” a mangibagbagi kenni Yahweh nga agsasao. Ken agsasao ni Yahweh a nakaro ti pungtot ken pannakabalinna, ket naibaga daytoy a kasla ti dilana ket maysa nga apuy. Mabalin a maipatarus a kas iti: “No agsasao isuna, ti pungtotna ket kas iti apuy a mangdadael iti amin a banag” (Kitaen: Synecdoche ken Simile)
Ti angesna ket kas iti agliplippias a layus
Idildilig daytoy ti angin a rumrummuar iti ngiwat ni Yahweh iti maysa a layus a mangiyunay-unay iti pannakabalinna a mangdadael. (Kitaen: Simile)
tapno sagaten dagiti nasion babaen iti sagat ti pannakadadael
Ti panangilaslasin ni Yahweh kadagiti tattao kadagiti nasion ken panangdadael kadagiti nadangkes a tattao ket naibaga a kasla inkabil ni Yahweh dagiti nasion iti maysa a pagsagatan. Mabalin daytoy nga ipatarus kas maysa a baro a salaysay. Mabalin a maipatarus a kas iti: “Ilasin ken dadaelento ni Yahweh dagiti nadangkes a tattao dagiti nasion” (Kitaen: Metaphor)
Ti angesna ket kasla busal kadagiti sangi dagiti tattao a mangpaalla-alla kadakuada
Ni Yahweh nga addaan iti pannakabalin a mangpaay kadagiti panggep dagiti tattao wenno mangdadael kadagitoy ket naibaga a ti angesna ket kasla maysa a busal a mangisiasi kadagiti tattao iti umno a dalan. (Kitaen: Metaphor)
busal kadagiti sangi dagiti tattao
Ti “busal” ket maysa a maaramat dagiti tattao nga ikabilda iti ulo ti kabalio tapno maiturong daytoy. Ti busal ket addaan iti maysa a pidaso a maawagan a “pakagat” iti kabalio. Mabalin a maipatarus a kas iti: “busal nga adda iti ulo dagiti tattao” wenno “pakagat iti ngiwat dagiti tattao” (Kitaen: Translate Unknowns)