1.8 KiB
agbalinto a talon ti Libano, ken agbalinto a kabakiran ti talon
Dagiti mabalin a kayatna a sawen ket 1) literal daytoy ken pagbalinen ni Yahweh a nabunga a taltalon dagiti lugar a nagtuboan dagiti kaykayo idiay Libano wenno 2) daytoy ket panangisao ken ibagbagi dagiti nalawa a kabakiran ti Libano ti nabileg a manangidadanes, ken dagiti mula a nagtubo iti talon a nagbalin a kabakiran ket dagiti kadawyan a tattao nga agsagsagaba. Kayat a sawen daytoy nga ipababanto ni Yahweh dagiti nabileg, ngem padayawannanto dagiti agsagsagaba. (Kitaen: Metaphor)
agbalinto a talon ti Libano
Ditoy, ti “Libano” ket ibagbagina dagiti dakkel a kabakiran ti cedar idiay Libano. Mabalin a maipatarus a kas iti: “Pagbalinento ti Dios a talon ti nalawa a kabakiran ti Libano” (Kitaen: Metonymy ken Active wenno Passive)
mangngegto ti tuleng dagiti sasao iti libro, ken makakitanto dagiti mata ti bulsek manipud iti nakaro a sipnget
Dagiti kayatna a sawen ket 1) daytoy ket literal ken ipalubosto ni Yahweh a makangngeg dagiti tuleng a tattao ken makakitanto dagiti bulsek wenno 2) daytoy ket panangisao a ti kayatna a sawen ket ipalubosto ni Yahweh a makangngeg ken makaawat dagiti tattao iti mensahena wenno 3) ti kayatna a sawen ket mabalin dagiti dua a pagpilian a 1 ken 2. (Kitaen: Metaphor)
dagiti mata ti bulsek
Ditoy, “dagiti mata” ket ibagbagina ti sibubukel a tao. AT: “dagiti bulsek” (Kitaen: Synecdoche)
Agrag-onto manen kenni Yahweh ti naidadanes, ken agrag-onto iti Nasantoan ti Israel dagiti nakurapay a tattao
Dagitoy dua a ragup ti sasao ket kadawyan nga agpada ti kayatda a sawen. Mabalin a maipatarus a kas iti: “Dagiti nakurapay ken naidadanes a tattao ket agragsakto manen, gapu iti aramiden ni Yahweh, ti Nasantoan ti Israel” (Kitaen: Parallelism)