1.6 KiB
Umas-asideg kaniak dagitoy a tattao babaen kadagiti ngiwatda ken daydayawendak babaen kadagiti bibigda
Dagiti sasao a “ngiwat” ken “bibig” ket dakdakamatenna ti ibaga dagiti tattao. Ditoy, ibagbagi met daytoy ti panangibaga iti maysa a banag ngem saan a daytoy ti pudno a kaipapananna. Mabalin a maipatarus a kas iti: “Agindadayaw ken aginraraem dagiti tattao ti Jerusalem kaniak babaen kadagiti ibagada” (Kitaen: Metonymy)
ngem adayo kaniak dagiti pusoda
Ditoy, ti “puso” ket maysa a “metonym” a mangibagbagi kadagiti kapanunotan ken karirikna ti maysa a tao. Dagiti tattao a saan a napudno kenni Yahweh ket naibaga a kasla dagiti pusoda ket adayo kenkuana. Mabalin a maipatarus a kas iti: “ngem saandak a raraemen iti panpanunotda” wenno “ngem saanda a napudno kaniak” (Kitaen: Metonymy ken Metaphor)
Ti panangdaydayawda kaniak ket bilin nga insuro dagiti tattao
Mabalin a maipatarus a kas iti: “Raraemendak laeng gapu ta isu ti ibagbaga dagiti tattao nga aramidenda” (Kitaen: Active wenno Passive)
Ngarud, kitaenyo, ituloykonto ti mangaramid iti nakaskasdaaw a banag kadagitoy a tattao, agsasaruno a nakakaskasdaaw
“Ngarud, kumitaka ket makitam! Mangaramidak kadagiti nakakaskasdaaw ken nakaay-ayat a banbanag kadakayo a saanyonto a kabaelan nga ilawlawag”
Agpukawto ti kinasirib dagiti masirib a tattaoda, ken mapukawto ti pannakaawat dagiti nanakman a tattaoda
Agpada ti kayat a sawen dagitoy a salaysay. Ti panangipakpakita ni Yahweh a saan a maawatan ken mailawlawag dagiti nasirib a tattao ti inaramid ni Yahweh ket naibaga a kasla mapukawto ti kinasirib ken pannakaawatda. (Kitaen: Parallelism ken Metaphor)