2.0 KiB
Pagsiddaawenyo dagiti bagbagiyo
Ti sao a “bagbagiyo” ket dakdakamatenna dagiti tattao ti Jerusalem. No apay a nagsiddaawda ket mabalin nga ipalawag. Mabalin a maipatarus a kas iti: “Agsiddaawkayo iti ibagbagak kadakayo” (Kitaen: Assumed Knowledge ken Implicit Information ken Doublet)
pagbulsekenyo dagiti bagbagiyo ket agbulsekkayo
Ti saan a panangikaskaso dagiti tattao iti imbaga ni Yahweh ket naibaga a kasla pagbalinenda dagiti bagbagida a bulsek. Mabalin a maipatarus a kas iti: “ituloyyo ti panaginkukuneng ken naespirituan a panagimbubulsekyo iti ipakpakitak kadakayo” (Kitaen: Metaphor)
Agbartekkayo, ngem saan a babaen iti arak; agdiwerdiwerkayo ngem saan a gapu iti arak
Dagiti tattao a saan a makarikna ken makaaw-awat iti ar-aramiden ni Yahweh ket naibaga a kasla nabartekda. Mabalin a maipatarus a kas iti: “Saankayo a mangrikna a kas iti nabartek, ngem daytoy ket saan a gapu ta nakainumkayo iti adu nga arak” (Kitaen: Metaphor)
Ta imbukbok ni Yahweh kadakayo ti espiritu ti pannakarnek iti turog
Ditoy, ti kayat a sawen ti “espiritu ti” ket “maaddaan iti kababalin ti” nakaturog. Ti panangpaturog ni Yahweh kadagiti tattao ket naibaga a ti “espiritu” ket kasla danum nga imbukbokna kadagiti tattao. Kasta met a ti “pannakarnek iti turog” ket panangisao a ti kayatna a sawen ket saan a makarikna ken saan a makaaw-awat dagiti tattao iti ar-aramiden ni Yahweh. Mabalin a maipatarus a kas iti: “Ti gapu no apay a saankayo a makarikna ket pinaturognakayo ni Yahweh iti naispirituan” (Kitaen: Metaphor)
Pinagkidemna dagiti matayo, dakayo a profeta, ken inabbunganna dagiti uloyo, dakayo a makakitkita iti masakbayan
Ti panangpabalin ni Yahweh a saan a makarikna ken makaawat dagiti tattao iti ar-aramidenna ket naibaga a kasla pinagkidemna dagiti matada ken inabbunganna dagiti uloda tapno saanda a makakita. Mabalin a maipatarus a kas iti: “Daytoy ket kasla pinagkidem ni Yahweh dagiti profeta ken inabbonganna dagiti ulo dagiti makakitkita iti masakbayan” (Kitaen: Metaphor)